Robert Rauschenberg: atzera begirakoa
Katea-erreakzioa (Anagrama), 1996
Egun zoriontsuko gizona (Anagramak [hitz jokoa]), 1997
Iruzkinak
Liskarra (Arkadiako erretiroa), 1996
- Izenburua:
- Liskarra (Arkadiako erretiroa), 1996
- Erakusketa:
- Robert Rauschenberg: atzera begirakoa
- Gaiak:
- Esperimentazio artistikoa | Sorkuntza artistikoa | Gainazala | Lan-prozesua | Materiala | Lankidetza artistikoa | Donald Saff
- Artelan motak:
- Freskoa | Inprimaketa
- Aipatutako artistak:
- Rauschenberg, Robert
Hemen, eraikin zahar baten fatxada, salgai dauden futboleko baloiak, eta lehortzen ari den arropa garbia zuhaixka exotikoekin eta New Yorkeko etxe-orratzen fragmentuekin batera agertzen dira. Rauschenberg mundu zaharraren eta berriaren kulturak bat egiten arituko balitz bezala, elkartu eta bereizten dituzten gauzen bila aritzera gonbidatuz. Lan hau sareto batean dago antolatua, Rauschenbergen beste hainbat lanetan sarritan ikusi ahal izan dugun bezala.
Lan honen itxura fisikoak antzinako zibilizazioekin zerikusi handiagoa duela dirudi, ordea. Bere gainazala nahita dago urratua eta markatua, eta arretaz begiratuz gero, fresko bat dela konturatuko zara. Beste hitz batzuetan esanda, irudiak eskaiola hezean daude aplikatuak, lehortzean bere zati fisiko bihurtuz.
Rauschenbergek ikusi dugun transferentzia-teknika bera Anagramak izeneko seriean aplikatuz erabili zuen, baina haietan papera da euskarria. Eskaiolazko hondoak Ponpeia zaharreko fresko baten irudi-zati bat ikusi zuenean erabiltzen hastea pentsatu zuen. Aspalditik bere lankide izan den Donald Saff-en laguntzarekin, inpresio fotografiko digitalak zuzenean eskaiolara transferitu zituen, disolbatzaile gisa ura erabiliz. Eskaiola lehortu ondoren, argizariaz zigilatzen zituen.
Rauschenbergek mendeak igaro ahala nahiko hondatuak eta beharbada partzialki zaharberrituak dauden antzinako freskoen itxura imitatzeko aztertu zituen baliabide bitxi honi atxikitako ezaugarriak. Eskaiola zuria ikusten deneko azalerak, estatuaren albo bakoitzean ikus daitezkeenak bezalakoak, gainetik zaharberritutako kaltearen seinale dira. Era berean, orban eta marka zuriak denborak egindako kaltearenak.