Robert Rauschenberg: atzera begirakoa
Istripua, 1963
Capitol (Hezurrak eta Loturak), 1975
Iruzkinak
Orakulua, 1962-65
- Izenburua:
- Orakulua, 1962-65
- Erakusketa:
- Robert Rauschenberg: atzera begirakoa
- Gaiak:
- Artea eta teknologia | Sorkuntza artistikoa | Materiala | Soinua
- Artelan motak:
- Ikus-entzunezkoa | Instalazioa
- Aipatutako artistak:
- Rauschenberg, Robert
Hemen ikusten dituzun bost objektuak, egiten duten soinuarekin batera lan bakar baten osagai dira –Orakulua izeneko instalazio teknologikoa—, Rauschenberg-ek 1962 eta 1965 urte bitartean egina.
Ikusten duzun bezala, objektuak aurkitutako materialez eginda daude, gehienak metalezkoak izanik. Kotxe zahar baten ate bat agertzen da idazmakina bateko mahaira itsatsia, eta aireztapen-konduktu bat bainuontzi batean, biak gurpil gainean dagoen alanbrezko saski bati katez lotuak. Gainera, leiho-marko bat dago gurpil gainean beste aireztapen-konduktu bat erantsia duela, eta ihes-tutu bat gurpil handiagoen gainean, eta metalezko eskailera-maila bat, kontrolak kokatuta dauden lekua izanik.
Lan hau berezia da, dituen osagai bisualengatik ez ezik entzumenezko inpaktuagatik ere. Soinua irrati-emisore ezkutuetatik dator, eta etengabe aldatzen da, eta beraz musika- eta solasaldi-zatiak gehienbat entzungo dira, nolabait ere zentzurik ez duen audio-collage antzeko bat izanik emaitza.
Orakulua lanean osagaiak edozein ordenatan antola daitezke, eta soinuak nahiera alda daitezke ere, hiri-paisaje bizidun bat osatuz. Obratan, zabortegietan, edo kalean bertan aurkitutako materialak dira, eta osagai indibidual bakoitza hiri handi batean egunero ustekabean topa daitekeen edozer gauza bezain aldakorra izan daiteke. Eta ezkutuan dauden bost irratien soinua hiriko kale batetik entzungo bazenu bezala iritsiko zaizu. Rauschenbergek dioen bezala:
Beti nahi izan dut nire lanek –estudioan edozer gauza gertatuta ere- leihotik kanpo gertatzen ari ziren gauzen antza handiagoa izatea. Telebista-aparatuz eta aldizkariz inguratua nengoen, munduko gehiegikeriak eraginda. Egiazko lan batek elementu horiek guztiak barneratu behar zituela iruditzen zitzaidan, errealitate bat baitziren eta dira.