Robert Rauschenberg: atzera begirakoa
Capitol (Hezurrak eta Loturak), 1975
Sor Aqua (Veneziarrak), 1973
Iruzkinak
Volon (Kartoia), 1971
- Izenburua:
- Volon (Kartoia), 1971
- Erakusketa:
- Robert Rauschenberg: atzera begirakoa
- Gaiak:
- Sorkuntza artistikoa | Forma | Kolorea | Materiala | Captiva uhartea
- Teknikak:
- Ensanblajea
- Aipatutako artistak:
- Rauschenberg, Robert
1970ean, Rauschenberg New York utzi eta Floridako kostaldean dagoen Captiva uharte zoragarrira joan zen bizitzera. Volon lanaren biluztasuna, hemen parean duzun horma-erliebe urdinarena, 1971n egina, eta areto honetan aurkezten diren Kartoiak serieko beste lanak hirurogeita hamarreko hamarkadan egin zituen lan gehienen adierazgarriak dira. Captivako giroa erabat desberdina zen New Yorkeko kale-zuloetako giroaren aldean. Eta, bere lana gehienbat hurbileko inguruneko fragmentuez osatua dagoenez, kartoiek ingurune-aldaketa adierazten dute argi eta garbi, ia mundu guztian eskura dagoen material batekin lanean hasiz —kartoizko kaxak—.
Rauschenbergek izugarrizko trebetasuna du objekturik arruntena eta hutsalena edertasun handiko arte-lan bihurtzeko, eta horren adibide bat hementxe dugu, erliebe xume honetan. Materialak aurkitu bezala erabiliz, hau da, bere horretan, Rauschenbergek horien historia agertzen digu —beren jatorrizko erabilera—. Volon kartoizko bi kaxa dira, ia berdinak, jatorriz Burlington izena duen enpresa bateko produktuenak. Kaxetako bat erabat irekia eta zapaldua agertzen da, eta bestea bere hegaletatik horman itsatsia. Koloreek —berez urdina, gorri-antzeko errotuluak eta laranja tartean direla— atentzioa ematen dute, eta formak, sinpleegiak izan arren, bitxiak dira. Ez da irudirik ez eta marrazkirik ere agertzen.