Robert Rauschenberg: atzera begirakoa
Titulurik gabea (Scatole Personale), gutxi gorabehera 1952
De Kooning-en marrazki ezabatua, 1953
Iruzkinak
Pintura lohia (John Cage-rentzat), gutxi gorabehera 1953
- Izenburua:
- Pintura lohia (John Cage-rentzat), gutxi gorabehera 1953
- Erakusketa:
- Robert Rauschenberg: atzera begirakoa
- Gaiak:
- Eragin artistikoa | Sorkuntza artistikoa | Materiala | Black Mountain College | John Cage
- Artelan motak:
- Eskultura | Pintura
- Aipatutako artistak:
- Rauschenberg, Robert
Rauschenberg-entzat, edozein materialak du koadro bat sortzeko ahalmena, baita lorategiko lurrak ere. Negu batez, kaxa zapaletan lurra biltzen aritu zen. Batean, belarra hazi zen, eta ustekabeko efektuarekin hain gustura geratu zenez, egunero ureztatu zuen. Askoz ere beranduago, honela zioen: "Artea zaindu, baloratu eta begiratu behar duzula ziurtatzen zuen lan horrek —izan ere, artea bizitzaren zati bat baita."
Pintura lohia deritzan lan hau Rauschenbergek 1953an Europatik itzuli ondoren sortu zuen lan-serie batekoa da, Oinarrizko pinturak izena eman zien horretakoa. Lurra ez ezik, papera, baita urrezko xaflak ere, erabili zituen oihaletan eta egunkariz osatutako hondoetan aplikatuz, eta honela ageriko zerbait bihurtu zituen.
Oinarrizko pinturak Rauschenbergek arte-baliabide tradizionalei egindako desafioaz gain, arte-lana kanpoko mundutik bereizia dagoen zerbait dela eusten dion sinesmenari aurka egiteko asmoa adierazten dute. Pinturaren ordez lurrarekin lan eginez, materialik xumeenarekin hain zuzen, Rauschenbergek esperientzia guztien batasuna nabarmendu nahi du. "Ez dago gai pobrerik", zioen behin. "Koadro bat egiteko zura, agoarrasa, iltzeak, olioa edo oihala bezain egokia da galtzerdi-pare bat".
Lurrez egindako pintura hau John Cage-ri eskainia da, konpositore amerikarrari. Black Mountain College-n egin ziren lagun eta arteari dagokionez filosofia berekoak dira.
Serie honetako beste zatia Oinarrizko eskulturak direlakoek osatzen dute. Oinarrizko materialak dira —zura, metala eta harria, adibidez— inertziaren eta grabitatearen efektua erakusteko moduan konbinatuak.