Frank Lloyd Wright
Herbert Jacobs etxea 2
Taliesingo Hillside antzokiko oihala
Iruzkinak
Taliesin
- Izenburua:
- Taliesin
- Erakusketa:
- Frank Lloyd Wright
- Gaiak:
- Artea eta espazioa | Artea eta hezkuntza | Artea eta paisaia | Esperimentazio artistikoa | Sorkuntza artistikoa | Materiala | Ingurunea eta natura
- Mugimendu artistikoak:
- Arkitektura organikoa
- Artelan motak:
- Arkitektura
- Aipatutako artistak:
- Lloyd Wright, Frank
“Taliesin harri eta zuraren konbinazio abstraktua izan behar zen, inguruko mendixketan era naturalean elkartzen ziren legez. Mendixken lerroak estalkien lerroak ziren; mendixken maldak, berriz, haien maldak; zurezko horma arinen gainazal estaliak — hegal zabalen itzalean sartuak— beheko ibaiko harearen zabaltza lauak bezalakoak ziren, eta kolore berekoak, handik etorria baitzen estaltzeko materiala.
Taliesin Wright-en lanetan autobiografikoena da. 1911n ekin zion egiteari bera eta Mamah Borthwick bere lagunarentzako aterpe izan zedin; ezbehar izugarria jazo zen bertan, baina zorion handiaren lekuko izan zen hurrengo hamarkadetan. 1914ko abuztuan, zerbitzari atsekabetu batek Mamah eta bere bi haurrak erail zituen beste lau pertsonarekin batera, eta bizilekuari su eman zion. Wrightek berriz eraiki zuen, baina suak erre zuen beste behin 1925ean tximista baten ondorioz. Ordurako, harreman egonkorra zeukan bere hirugarren emazte bihurtuko zenarekin (Olgivanna), eta berarentzat eta beren hiru alaba gazteentzat Taliesin III berreraiki zuen.
1932an, Wrightek eta Olgivannak Taliesin Elkartea sortu zuten ikasleei arkitektura- eta bizi-heziketa emateko. Haien planteamendu holistikoak, eraikuntza-prozesua bera, baserri-lana, sukaldaritza eta musika barne hartzen zituen, eta “eginez ikastea” nabarmentzen zuen. Ikasleek Taliesin eta inguruko beste eraikin batzuk eraiki —eta berreraiki— zituzten lursail horretan; hartara, Wrighten ideia berriak probatu zituzten, baita material eta teknologia berriekin esperimentatu ere. Taliesin eta Hillside Frank Lloyd Wright Arkitektura-Eskolaren udako egoitza dira orain.