Frank Lloyd Wright
Bagdad
Solomon R. Guggenheim Museum – Marrazkiak
Iruzkinak
Bagdad: Posta- eta telegrafo-eraikin nagusirako marrazkiak
- Izenburua:
- Bagdad: Posta- eta telegrafo-eraikin nagusirako marrazkiak
- Erakusketa:
- Frank Lloyd Wright
- Gaiak:
- Artea eta espazioa | Artea eta teknologia | Eragin artistikoa | Espazioa | Forma | Geometria | Ingurunea eta natura | Herri-kultura | Tradizioa
- Teknikak:
- Marrazkia
- Artelan motak:
- Arkitektura
- Aipatutako artistak:
- Lloyd Wright, Frank
Bagdadeko marrazkietan Ekialdeko sentikortasuna eta Mendebaldeko teknologia uztartuak ageri dira. Hirurogei urtez baino luzeago, Wright-ek Asiako arkitektura-, arte- eta filosofia-tradizioak ikertu zituen. Horrelako ideia askok espazioaren bere kontzepzio osoari eragin zioten, baita hiria pentsatzeko zeukan erari ere. Bagdadeko bere planean zigurata erabili zuenean, adibidez, ordurako forma harekin urte luzez esperimentatu zuen. Zirkuluak, esferak eta ziguratak forma geometrikoen kaskada batean eraikitzeko, Wrightek Bagdad “unibertsoaren zilbortzat” hartzen zuen antzinako mitora jo zuen inspirazio bila.
Hiriko Posta- eta Telegrafo-eraikin nagusia diseinatzeko, Wrightek lurraldeko arkitektura tradizionala eta berrikuntza teknologikoa elkartu zituen. Aire girotua onartzen zuen arren, arkitektoak bitarteko pasiboen (edo naturalen) bidez goxatu nahi zuen beroa ahal zuen guztietan. Mahats-parren sabai batek itzalpean uzten zuen pertsiar estiloko barne-patio beheratu bat; hala, kableetan barrena luzatuz, espazio natural fresko bat sortzen zuen. Hodi hutseko sistema batek eraikinetik aire beroa ateratzeko balio zuen.
Arabiar kulturek beti egin duten bezala, Wrightek ere ura apaingarri (iturriak sortuz) eta hozketarako baliatu zuen.