Frank Lloyd Wright
Taliesin
Mendebaldeko Taliesin
Iruzkinak
Taliesingo Hillside antzokiko oihala
- Izenburua:
- Taliesingo Hillside antzokiko oihala
- Erakusketa:
- Frank Lloyd Wright
- Gaiak:
- Artea eta espazioa | Artea eta hezkuntza | Artea eta paisaia | Sorkuntza artistikoa | Ingurunea eta natura
- Mugimendu artistikoak:
- Arte Abstraktua
- Artelan motak:
- Arkitektura | Pintura
- Aipatutako artistak:
- Lloyd Wright, Frank
Oihal bikain hau Wright-ek diseinatu eta bere arkitekturako ikasleek egin zuten. Era abstraktuan Taliesin, Wrighten lursaila eta etxe kuttuna, irudikatzen du.
“Taliesin” hitz galesa da eta “muino argitsua” esan nahi du; lehenengo Wrighten jatorrizko etxeari egiten dio erreferentzia, bere jaioterri Wisconsingo muino baten tontorrean baitzegoen.
Taliesin, hala ere, poeta gales baten edo druida koblakari baten izena ere bazen. Druidak “Arte Ederren loriak kantatu zituen Galesen”. Izena egokia dela ez dio ihes egingo Wrighten etxea bisitatzen duenari; izan ere, eraikina eta paisaia, altzariak eta arte ederrak elkartu egiten dira sosegu-irlak eta edertasun handiko guneak sortzeko.
Wrightek etxe bat eta estudio bat eraiki zituen han eta, denborarekin, baita arkitektura-eskola bat ere. 1880ko hamarkadan bere izeba Ellen eta Jane Lloyd Jones-ek bost eta hamazortzi urte bitarteko haurrentzako eskola sortu zuten: Hillside Home School (Hillside barnetegia). Hamarkada batzuk geroago, berriz, Taliesin Elkartearen egoitza bihurtu zen eraikin hori, Wrightek eta bere emazteak 1932an sortutako arkitektoentzako eskola.
Oihala Hillside Antzokian izan zen zintzilik mende erditik gora, denboraren poderioz ehuna hondatu zen arte. 2007an kontserbatzaileek jatorrizko artilezko feltroa zaharberritu zuten. Lan arretatsua izan zen. Wrightek hondoa iluntzeko agindutako kafe-orbanak ere mantendu dituzte, baita kotoizko gainazalean arkatzez egin zituen oharrak ere.