Frank Lloyd Wright
Marin County zentro zibikoa
Broadacre City
Iruzkinak
Hiri-proiektuetarako sarrera
- Izenburua:
- Hiri-proiektuetarako sarrera
- Erakusketa:
- Frank Lloyd Wright
- Gaiak:
- Artea eta ekonomia | Artea eta gizartea | Artea eta politika | Eragin artistikoa | Lan intelektuala | Sorkuntza artistikoa
- Artelan motak:
- Arkitektura
- Aipatutako artistak:
- Lloyd Wright, Frank
Wright-en Broadacre Cityko hiri-eredua berak Usonia deitu zuen demokrazia-eredu baten giltzarria izan zen. The Disappearing City bere liburuan azaldu zuen lehenengoz ideia hori. Bere Usoniak XIX. mendeko hainbat utopiazaleren idazkietatik edan zuen, hala nola, Thorstein Veblen-en, John Ruskin-en, Pyotr Alekseyevich Kropotkin-en eta Ralph Waldo Emerson-en idazkietatik. Familiak bankariaren eta lur-jabearen uztarritik libre geratuko ziren. Ekoizpen-bitartekoak ez lirateke herriaren eskuetan era abstraktuan izango, gizarte komunistetan gertatzen zen legez; aldiz, banaka emango litzaizkieke. Lurra jabetza publikokoa izango litzateke, eta gero familiei esleituko litzaieke betiere era produktiboan erabili bitartean.
Hil baino urtebete lehenago, Wrightek 25 urte lehenagoko Broadacre City kontzeptuaren berrikuspen bat argitaratu zuen liburu berri batean: The Living City.
Lehengo Broadacrek ez bezala, bigarren honek etorkizun-kutsuko elementuak zeuzkan: gabarra atomikoak ur-bideetan, taxi-helikopteroak zeruan eta “errepide-makina” aurreratuak kaleetan. Wrightek bere lehengo proiektu batzuk gehitu zituen, batzuk inoiz eraiki gabeak: Rogers Lacy hotela, Gordon Strong begiratokia eta planetarioa, Pittsburgh Point Park zentro zibikoa, Huntington Hartford kirol-kluba/aisialdirako gunea eta Beth Sholom sinagoga. Hala ere, 19 solairuko H. C. Price Company bulego-dorrea Bartlesvillen (Oklahoma) eraikia izan zen. Eraikia izan zen Wrighten etxe-orratz bakarra da.