Frank Lloyd Wright
Taliesingo Hillside antzokiko oihala
Larkin Company bulego-eraikina
Iruzkinak
Mendebaldeko Taliesin
- Izenburua:
- Mendebaldeko Taliesin
- Erakusketa:
- Frank Lloyd Wright
- Gaiak:
- Artea eta espazioa | Artea eta paisaia | Sorkuntza artistikoa | Argia | Kolorea | Lan-prozesua | Materiala | Ingurunea eta natura
- Artelan motak:
- Arkitektura
- Aipatutako artistak:
- Lloyd Wright, Frank
1935ean pneumonia-aldi bat jasan ondoren, Wright-ek Taliesin Elkarte osoa Chandler-Arizonara mugitu zuen negurako. Bi negu aldi baterako egoitzetan igaro ondoren, Wrightek basamortuko arkitektura mota berri bat eraikitzeari heldu zion Mendebaldeko Taliesinen; aurrean dituzun argazkietan ikus dezakezu.
Wrightek inguruko basamortuko harria baliatu zuen “basamortuko harlangaitzezko” hormak eraikitzearren. Harria ezin zen moztu; beraz, Wrightek bere ikasleek zurezko moldeak egin zitzaten nahi izan zuen. Basamortuko harriak jartzen zituzten ondoren barnean, aurpegi laua kanpora, eta inguruko tartea hondakinekin betetzen zuten hormigoia gehitu aurretik. Moldeak kentzean, askotariko mosaiko-marrazkidun hormigoizko lauzak geratzen ziren agerian. Lauza horiekin eraikitako hormek zeukaten izaera eta kolorea ikusita, basamortuko lurretik hazitakoak zirela ziruditen.
Wright harlandu-oinarri horiek sekuoia-habez eta kolore argiko olanaz estali zituen; hartara, argi goxoa sar zitekeen azpiko guneetara. Zurezko markoa duten olanazko panel zuri, gorri eta urre-kolorekoek ate- eta leiho-lana egiten zuten. Haize leuna logeletara mugi zedin ireki zitezkeen, edo eguraldi kaskarrarengatik itxi. Wrightek ingurua eraikinen orientazioan ere barne hartu zuen, gertuko, erdiko eta urrutiko distantziak inguruko lorategi zabalera hurbilduz. Taliesin konplexua etengabe birdefinitzen da argi-itzalen marrazkien mugimenduari esker.
Mendebaldeko Taliesin estudioan sortu zen eta, hortik, terraza, espaloi eta patio bidez konektatutako eraikin-sorta bihurtu zen.