Frank Lloyd Wright
Huntington Hartford kirol-kluba/aisialdirako gunea
Marin County zentro zibikoa
Iruzkinak
Unitarioen bilera-etxea
- Izenburua:
- Unitarioen bilera-etxea
- Erakusketa:
- Frank Lloyd Wright
- Gaiak:
- Artea eta erlijioa | Artea eta espazioa | Artea eta emozioa | Sorkuntza artistikoa | Argia | Espazioa | Forma | Geometria | Materiala | Sinbologia | Tamaina
- Artelan motak:
- Arkitektura
- Aipatutako artistak:
- Lloyd Wright, Frank
Lehenengo Elkarte Unitarioaren bilera-etxeak kanpandorrea, kapera eta kongregazioaren gela bateratzen zituen.
Biharko Eliza deitutakoak V formako kobrezko teilatua eta harrizko eta kristalezko branka zituen, baina guztiz urruti zegoen elizetako dorre- eta orratz-forma ezagunetatik.
Enkargu soila baino gehiago zen hau Wright-entzat. Bere aita Elkarteko idazkari izan zen lehenengoz eratu zenean, eta berak elizako eztabaida-taldean parte hartu zuen nerabea zela. Zuten dirua areago eramateko, eliza-kideek gertuko harrobi batetik bildu zuten harria euren esku soilez, eta eraikuntza-lanaren zati handi bat Taliesin Elkarteak egin zuen. 1951n, 84 urteko arkitektoak dirua biltzeko hitzaldi bat eman zuen artean amaitzear zen eraikinean. Kongregazioaren diru-kutxa hutsik zegoen eraikuntzaren kostuak aurreikusitako kantitatea hirukoiztu zuelako 200.000 dolar gainditu ondoren. “Eraikin hau otoitz-modu bat da”, esan zien bildutakoei. Ondoren, besoak jaso zituen triangelu bat osatuz.
Bada eraikinaren diseinuan errepikatzen den oinarrizko elementu bat: triangelu aldekidea. Eraikinean erabilitako 60 eta 120 graduko angeluak, zoruan erabilitako erronbo-marrazkietan errepikatzen dira. Eserlekuak eta mahaiak ere angelu horien arabera kokatuak daude. Diseinu bateratuak eta tokiko materialen erabilera zintzoak unitarioen osotasunaren eta zintzotasunaren aldeko filosofia adierazten bide dute.
Eraikinaren soiltasuna gorabehera, Wrightek espazioa dramatismoz erabili zuen. Sabaiaren altuerak gune desberdinak definitzen laguntzen dute. Sarrerara hormigoi gorrizko zorua duenera, irtengune zabal, apal baten azpitik hurbil gaitezke. Entzunaretoaren sabaia baxua da, eta gero gora egiten du zur eta beira txirikordatuko “branka” txundigarri batera, espazioa argiz betez.
Kobrezko estalki berde angeludunak zerura begiratzen du.
“Egitura Unitarioa da izaeraz, osotasunaren zentzuari emana, kanpandorrea, bilgune-etxea eta kongregazioaren etxea inoiz izan daitezkeena baino ederragoa delakoan”.