Niki de Saint Phalle
Autorretratua (Autoportrait), ca. 1958-59
Iruzkinak
Sarrera
- Izenburua:
- Sarrera
- Erakusketa:
- Niki de Saint Phalle
- Gaiak:
- Emakumea artean | Artea eta gizartea | Artea eta emozioa | Ibilbide artistikoa | Sorkuntza artistikoa | Sormena | Feminismoa | HIESa | Jean Tinguely | Alaitasuna | Arrazakeria
- Mugimendu artistikoak:
- Errealismo Berria
- Teknikak:
- Ensanblajea
- Artelan motak:
- Eskultura | Kokapen zehatzerako artea | Performance
- Aipatutako artistak:
- de Saint Phalle, Niki
Ongi etorri Guggenheim Bilbao Museora eta Niki de Saint Phalle artistaren lanaren atzera begirako garrantzitsu honetara. Erakusketa honetan aukera izango duzu talentu paregabea eta izaera zorrotza zituen emakume bati eta haren ibilbide artistikoari jarraipena egiteko. Saint Phallek frogatu zuen gizonak nagusi dituen artearen agertokian bazuela bere lekua. Haurtzaroan bere buruari agindu zion heroi bihurtuko zela, eta hementxe dugu asmo horren emaitza.
Erakusketan aurrera egin ahala ezagutuko duzue 1960ko hamarkadaren hasieran artearen agertokira eskopeta eskuetan zuela atera zen emakumea, bere esanetan, “pintura odoletan uztea” asmo zuena. Miretsi egin zuten batzuek eta bihozgabetzat hartu besteek; komunikabideak nahiz ikusleak, baita kritikariak ere, txunditzea lortu zuen. Garaiko artista batzuek haren lanaren balioa aitortu zuten, eta Nouveaux Réalistes edo Errealista Berriak taldekoek taldera gonbidatu zuten. Jean Tinguely bikotekidea talde hartako kide aktiboa zen ordurako. Haiekin batera garatu zuen assemblage edo muntaia artea; muntaien artean aipagarriak dira Erditzea lan-sortakoak.
Nanak izeneko lanen forma biribilak miresteko aukera ere izango duzu. Eskultura alai eta biziak dira, eta haien bidez aldarrikatu zuen Saint Phallek feminismoaren eta arrazakeriaren aurkako borroka.
Saint Phalleren lana, baina, ezin da behar bezala aurkeztu espazio publikoetarako sortu zituen lan handiak aipatu gabe. Haren zirriborroek, prestaketa-marrazkiek eta maketek erakusten dute proiektu bikain horien sormen-prozesua. Proiektu horien arten dago, adibidez, Tarotaren lorategia; hogei urtetik gora izan zen Toscanako eskultura-parke horretan lanean.
Erakusketako didaktika atalean, areto klasikoen ondoko korridorean, Saint Phallek ekoitzitako lurrinen, lanparen eta bitxien bildumen eta hainbat gizarte-ekintza proiekturen (esaterako hiesaren aurkakoak) inguruko argibideak daude. Objektu horien salmentekin finantzatu zuen, besteak beste, Tarotaren lorategia eskultura-parkea.