Niki de Saint Phalle
Atontzen (La Toilette), 1978
Hegazti burudun totema (Bird Head Totem), 2000
Iruzkinak
Dianaren ametsa (Le Rêve de Diane), 1970
- Izenburua:
- Dianaren ametsa (Le Rêve de Diane), 1970
- Erakusketa:
- Niki de Saint Phalle
- Gaiak:
- Giza gorputza | Artea eta emozioa | Eragin artistikoa | Sorkuntza artistikoa | Sormena | Forma | Kolorea | Materiala | Sinbologia | Tamaina | Animaliak artean | Dualtasuna | Sentimenduak | Ametsak
- Mugimendu artistikoak:
- Surrealismoa
- Artelan motak:
- Arkitektura | Eskultura
- Aipatutako artistak:
- de Saint Phalle, Niki
1960ko hamarkadaren erdialdean, oso goiz, hasi zen Niki de Saint Phalle formatu handiko lanak ekoizten; horien artean zeuden 27 metroko luzerako Emakumea (Hon) eskultura-arkitektura lana eta nana harrigarriak. 1970ean, areto honetako multzoa sortu zuenean, erraldoitasuna, jada, Saint Phalleren lengoai artistikoan txertatua zegoen eta utzia zion oihalak alanbre-saretazko armaduran kolaz itsasteari; horren ordez, poliester margotuaren efektu leunagoak erabiltzen zituen.
Forma biomorfikoek eta batzuetan antropomorfikoek badituzte antzekotasunak Surrealisten lanekin. 1920ko hamarkadako mugimendu surrealistako artistek bezala, Saint Phallek ere itxura irreal bat emanda adierazi zituen ametsak eta amesgaiztoak eta izenburuak ere, Dianaren ametsa, hori nabarmentzen du.
Hala ere, munstro eta animalia koloretsuen pila honen erdian Nanak seriea gogorarazten duen emakume baten gorputza ere ikus daiteke, etzanda. Harago, hain maiz erretratatu zituen suge-aho horztun bat nabarmentzen da. Errebolber bat ere badago, tiroka aritzen zen alditik biziraundakoa, tiro-bidean itsasontzi bat duela eta gainean eguzki handi distiratsu bat. Izarra, indar kaltegarriei aurre egiten dien sinbolo positiboa, bihotzak osatzen du, maitasunaren sinbolo ezagunak. Ongiaren eta gaizkiaren arteko borroka hori bi aurpegiko irudi batek laburbiltzen du. Munduaren eta bertan bizi garenon dualtasunaren haragitzea da.
Hona hemen artistak idatzitako autobiografiaren pasarte bat:
“Naturari, herensugeei, munstroei eta nire irudimeneko animaliei esker eutsi diot umetako zirrarekin dudan harremanari. Nire barnean, umea eta artista bereizezinak dira”.