Niki de Saint Phalle
Emaztegaia zuhaitzaren azpian (La Mariée sous l'arbre), 1964 inguru
Hon lanaren margotutako argazkia, 1979
Iruzkinak
Jainkosa zuria / Andre beltzarana (The White Goddess / La Femme Brune), 1963
- Izenburua:
- Jainkosa zuria / Andre beltzarana (The White Goddess / La Femme Brune), 1963
- Erakusketa:
- Niki de Saint Phalle
- Gaiak:
- Emakumea artean | Heriotza | Pertsonaia mitologikoak | Artea eta mitologia | Eragin artistikoa | Sorkuntza artistikoa | Kolorea | Materiala | Bizitza | Feminismoa | Harry Mathews | Robert Graves | Dualtasuna
- Teknikak:
- Ensanblajea
- Artelan motak:
- Eskultura
- Aipatutako artistak:
- de Saint Phalle, Niki
1954an, Niki de Saint Phalle-k eta Harry Mathews-ek egonaldi bat egin zuten Mallorca uhartean. Bi urtez egon ziren han Laura alabarekin eta Philip semea ere han jaio zen. Uhartean bizi ziren beste artista batzuekin egoten ziren; esate baterako, mito zeltei buruzko The White Goddess (“Jainkosa zuria”) liburuaren bertsio berrikusia argitaratu berria zuen Robert Graves poeta ingelesarekin. Izen hori, Jainkosa Zuria, jarri zion Saint Phallek eskultura honi handik bederatzi urtera.
Liburu hartan, mitoetan aditu zen Robert Graves poetak Europan, antzina, jainkosa zuri bati egiten zioten gurtza deskribatu zuen. Maitasunaren, jaiotzaren eta heriotzaren jainkosa zen, Ilargiari lotutakoa. Ama jainkosa hura gurtzen zuten jendeak gizarte matriarkalak zirela ere esaten zuen. Graves poetaren arabera, gizonezkoak gerora iritsi ziren nagusi izatera, jatorrizko erlijio hura deuseztatu ondoren.
Eskultura honetan, Gravesen laneko elementuak berrerabili zituen Saint Phallek jainkosa zuriaz bere ikuspegi propioa sortzeko. Aurkitutako objektuak jarri zituen alanbre-saretan; adibidez, puskak falta zitzaizkien panpinatxo txiki-txikiak, edota imintzioak egiten zituzten maskarak, deabru baten burua eta narrasti ugari. Jainkosak bizitza eta heriotza adierazten ditu; izan ere, zaldiz erditzen da, baina giza burezurra du bularretan eta errebolber bat besoan. Kolore zuriak bateratzen du muntaia osoa eta jainkosaren ilargi-izaera dakar gogora.
Jainkosaren gaia artista feminista estatubatuarren gai nagusi bihurtu zen. Eta lan honen bidez, joera horretan aitzindaritzat har dezakegu Niki de Saint Phalle.