Niki de Saint Phalle
Kennedy–Khrushchev, 1962
O.A.S. aldarea (Autel O.A.S.), 1962–92
Iruzkinak
Katedral gorria (La Cathédrale rouge), 1962
- Izenburua:
- Katedral gorria (La Cathédrale rouge), 1962
- Erakusketa:
- Niki de Saint Phalle
- Gaiak:
- Artea eta erlijioa | Sorkuntza artistikoa | Kolorea | Sinbologia | Espiritualtasuna | Kristautasuna | Dualtasuna | Indarkeria
- Teknikak:
- Ensanblajea
- Aipatutako artistak:
- de Saint Phalle, Niki
Niki de Saint Phalle-k 1962an abiarazi zuen katedralen inguruko serie bat. Katolizismoarekiko gaitzespenaren sinboloa da saila, baina egindako gogoeta espiritual sakonaren lekukotza ere bada. Kontu horri lotutako bitxikeria adierazgarri bat kontatu zuen artistak:
“Gogoan dut hautsitako gurutzefikak jarri nituen erakusketa bat ikustera etorri zen apaiz bat. Zera esan zidan: ‘Artista erlijiosoa zaitugu’. Ea zergatik galdetu nion. ‘Jainkoaz arduratzen zarelako. Zure lanaren erdigunean dago’”.
Eta egia da, Saint Phallek askotan egin zituen erlijioa gai nagusi zuten lanak. 1970eko hamarkadaren hasieran, Tenplu ideala eraikitzeko asmoa ere izan zuen, erlijio guztien gurtzarako.
Beste lan batzuetan, esaterako, aldareetan egin zuen gisan, katedral honetan ere arte kristauaren inguruan ezagutza bazuela erakutsi zuen. Elizen tinpanoetan santuen irudiak, Kristo handitasunean erreinatzen eta Jeseren Zuhaitza ikusi ohi ditugu, eta horien ordez, lan honetan, bitxikeriaz, gurutzefikaz eta cowboy eta indioz osatutako nahaspila bat jarri zuen. Lana amaitzeko, pintura gorriz betetako aerosol ontzi bati tiro egin zion odol-itxura emateko. Saint Phallek haren katedralak gizakiek Jainkoagatik egiten dituzten gauza eder guztiei eskainitako gorazarre gisa deskribatu zituen, baina baita erlijioaren izenean eginiko izugarrikeria guztien aurkako haserre-oihu gisa ere.