Niki de Saint Phalle
Indarra (La Force), 1987
Burezurra (Hausnarketarako gela) [Skull (Meditation Room)], 1990
Iruzkinak
Neurritasuna (Temperance), 1993
- Izenburua:
- Neurritasuna (Temperance), 1993
- Erakusketa:
- Niki de Saint Phalle
- Gaiak:
- Artea eta emozioa | Lan intelektuala | Sorkuntza artistikoa | Gogoeta | Memoria | Kalifornia | Sentimenduak | Sexu-indarkeria
- Artelan motak:
- Artista-liburua | Eskultura | Serigrafia
- Aipatutako artistak:
- de Saint Phalle, Niki
Idazteak beti izan zuen tokia Niki de Saint Phalle-ren bizitzan. Hamaika urte besterik ez zituela, poemak eta antzerkiak idazten hasi zen eta helduaroan jarraitu egin zuen antzerkirako eta filmetarako idazten eta lan autobiografikoak ere egin zituen. 1994an, Mon secret (“Nire sekretua”) lana argitaratu zuen eta liburu hartan azaldu zuen aitak bortxatu zuela. Hurrengo urtean autobiografia idazten hasi zen umetako oroitzapenetatik abiatuta.
Frantzia utzi eta Kaliforniara bizitzera joan zenean, 1993an, berriro ekin zion idazteari, hango bizimodu berriari buruzko sentipenak adierazteko. Kaliforniako egunerokoa (Californian Diary) izena jarri zion testuari eta gerora, 1995ean argitaratutako serigrafia-lanen gai bihurtu zen eguneroko hura. Serie horretakoa da hau ere.
Artistak freskotasun eta umore handiz adierazi zituen bere gogoetak. Lan honen gaia, neurritasuna, Toscanako Tarotaren Lorategirako sortu zuen izen bereko eskulturaren bigarren lanketa bat da. Hona hemen zer idatzi zuen idazkera nahasi baina ederrean:
“Neurritasuna energiaren jarioarekin lotua dago, maitasunarekin eta tolerantziarekin. Zer esan nahi duzu ‘politikoki zuzena’ esatean? Jendea beti ari da horri buruz pentsatzen (garun-garbiketa da). Niri iruditzen zait politikoa den ezer ez dela zuzena eta zuzena den ezer ez dela politikoa. Campus batean neurritasuna adierazteko eskultura bat egitea gustatuko litzaidake. Neurritasuna ez da fanatikoa. Legerik ez. Unibertsaltasunaren kontzeptu zintzo bat, ez kontzeptu intelektual bat”.