Niki de Saint Phalle
Dianaren ametsa (Le Rêve de Diane), 1970
Askatasunaren zuhaitza (Tree of Liberty), 2000
Iruzkinak
Hegazti burudun totema (Bird Head Totem), 2000
- Izenburua:
- Hegazti burudun totema (Bird Head Totem), 2000
- Erakusketa:
- Niki de Saint Phalle
- Gaiak:
- Emakumea artean | Pertsonaia mitologikoak | Artea eta identitatea | Artea eta paisaia | Artea eta politika | Sorkuntza artistikoa | Kolorea | Noeren Arka | Animaliak artean | Kalifornia | Jerusalem | George W. Bush | Kalafia erregina | Immigrazioa eta emigrazioa
- Artelan motak:
- Arkitektura | Eskultura | Kokapen zehatzerako artea
- Aipatutako artistak:
- de Saint Phalle, Niki
Tarotaren lorategia eskultura-parkeari beste artelan publiko bati baino denbora gehiago eskaini zion Niki de Saint Phalle-k; hala ere, beste eskultura-parke batzuk ere egin zituen. 1990eko hamarkadaren erdialdean beste proiektu handi bat lantzen hasi zen eta 22 animalia-eskultura sortu zituen Jerusalemgo lorategi baterako, Noeren arka gaitzat hartuta. Ia aldi berean hasi zen Ameriketako Estatu Batuetan, San Diegoren eta Los Angelesen artean, hirugarren lorategi batean lanean. Kalafia Erreginaren Zirkulu Magikoa izeneko lorategi hartarako marraztu zuen hegazti-burudun totem hau. Hemen dugun bertsioa kolore-bariazioak lantzeko serie batekoa da.
Kalafia Erreginaren Zirkulu Magikoa lorategia Amerika iparraldeko eta hegoaldeko jatorrizko jendeari eta AEBko gutxiengo hispanoei eginiko omenaldia da. Kalafia da irudi nagusia, Kalifornia uharteko erregina; haren inguruko elezaharra espainiar batek asmatu zuen XVI. mendearen hasieran. Saint Phallek emakume-herri bateko erregina beltz hau erretratatu zuen, arrano baten gainean, 120 metroko diametroko biribil baten erdian. Erregina babesteko, zortzi totem jarri zizkion inguruan, animalia-jainko amerindiarrekin apainduta eta horietako bat da hemen dugun hau.
Totemak norabide egokian jarrita zeudela ziurtatzeko, buruzagi cheyenne eta buruzagi navajo banari aholkua eskatu zien artistak, proiektua hainbeste miresten zuen kulturarekiko erabat leiala izatea nahi baitzuen. Gutxiengo-arrazei babesa erakustea Bush presidentearen administrazioaren errepresiozko immigrazio-politiken aurka desadostasun sakona azaltzeko bidea ere izan zen.