Niki de Saint Phalle
Tiro handia – J galeriako saioa (Grand Tir– Séance galerie J), 1961
Katedral gorria (La Cathédrale rouge), 1962
Iruzkinak
Kennedy–Khrushchev, 1962
- Izenburua:
- Kennedy–Khrushchev, 1962
- Erakusketa:
- Niki de Saint Phalle
- Gaiak:
- Giza gorputza | Artea eta politika | Sorkuntza artistikoa | Sinbologia | Gerra Hotza | Kubako krisialdia | Feminismoa | George W. Bush | John F. Kennedy | Nikita Khrushchev | Indarkeria
- Teknikak:
- Ensanblajea
- Artelan motak:
- Litografia | Performance
- Aipatutako artistak:
- de Saint Phalle, Niki
1960ko hamarkadaren hasieran, Gerra Hotza bete-betean zela, gerra nuklearraren beldurra bi aldeetan zabaldu zen eta unerik okerrenera iritsi zen Kubako Krisialdian. Fidel Castro-ren erregimena babesteko, Kuban misilak Estatu Batuetara begira jartzeko asmoa izan zuen Sobietar Batasunak. Azkenean krisiari irtenbide diplomatikoa aurkitu bazioten ere, bi blokeen arteko aurkakotasuna inoiz baino gogorragoa zen. Gerra nuklearraren arrisku hain handia berriro izan ez zedin, zuzeneko lotura bat ezarri zuten Etxe Zuriaren eta Kremlinaren artean; telefono gorri ezaguna, hain zuzen.
Niki de Saint Phalle-k garai hartako politikaren inguruko adierazpen kritikoak egin zituen bere lanetan. Tiro-margolan honek zuzeneko erreferentzia egiten dio bi botereetako buruzagien arteko behartutako itunari. Gerra saihesteko, gorputz berean elkarrekin bizitzera behartu zituen Kennedy eta Khrushchev. Baina gorputz bakar hori, bakea berreskuratzearen sinboloa, emakume-gorputza da; izan ere, Niki de Saint Phalle sinetsita zegoen emakumeak bakarrik izango zirela gizonek egindako gehiegikeriak ez egiteko gai:
“Komunismoak eta kapitalismoak porrot egin dute. Bada garaia gizarte berri bat, matriarkala, eratzeko, nire ustez. Gosez hilko lirateke pertsonak emakumeek esku hartuko balute? Pentsatzen dut, eta ezin dezaket saihestu, ama diren, ama izateko gaitasuna duten emakumeek, zoriontsu nintzatekeen mundu bat eraikiko luketela”.
Saint Phallerentzat, politikariak emakumez mozorrotzea haien rolak zalantzan jartzeko eta bere ikuspegi politikoak azaltzeko beste modu bat zen. Handik urte batzuetara, George W. Bush presidentearen litografia bat egin zuen. Zera zuen susmoa, Bushek “Gerra Hotzera itzuli” nahi zuela.