Niki de Saint Phalle
Berriro ere Clarice (Clarice Again), 1966–67
Tea Angelinaren etxean (Le Thé chez Angelina), 1971
Iruzkinak
Rosy beltza edo Rosyrena da ene bihotza (Black Rosy ou My Heart Belongs to Rosy), 1965
- Izenburua:
- Rosy beltza edo Rosyrena da ene bihotza (Black Rosy ou My Heart Belongs to Rosy), 1965
- Erakusketa:
- Niki de Saint Phalle
- Gaiak:
- Artea eta gizartea | Sorkuntza artistikoa | Lan-prozesua | Materiala | Feminismoa | Rosa Parks | Arrazakeria
- Artelan motak:
- Eskultura
- Aipatutako artistak:
- de Saint Phalle, Niki
1965eko hasieran sortutako eskultura hau Niki de Saint Phalle-ren lehen Nana beltza da seguru asko. Artistak jatorrizko teknika erabiltzen zuen oraindik; hau da, oihala eta artilea kolaz itsasten zizkion alanbre-saretazko armadura bati. Geroagoko Nanak, berriz, poliesterrez egin zituen.
Rosa Parks afroamerikarrari eginiko omenaldia da Rosy beltza, ia seguru. 1955ean, autobusean zihoala, gizon zuri bati esertzen uzteko bere tokitik altxatzeari uko egin zion Rosa Parksek eta gertaera hark piztu zuen segregazio-legeen aurkako eta eskubide zibilen aldeko mugimendu nazionala, Martin Luther King gidari zela.
Haurtzaroaren zati bat Ameriketako Estatu Batuetan igaro zuen Saint Phallek eta nazka zion arrazakeriari. Egin zituen lehen lanetatik hasita, emakumeen askapena gai nagusietako bat izan zuen, baina bere borroka jazarpenaren aurkako borroka guztiei zuzenean lotua zegoen eta, batez ere, beltzen aurkako arrazakeriari lotuta. Hainbat aldiz nabarmendu zituen paralelismoak feministen eskakizunen eta arraza-segregazioaren aurkako borrokaren artean. Esaterako, “Nanak boterera” (“Nana Power”) behar zirela ikusi zuen; harentzat, “Nana Power” “Black Power” mugimenduaren baliokidea zen, eta honako hau ere esan zuen:
“Emakume bat gizonen zibilizazioan gizon beltz bat zibilizazio zuri batean bezalakoa da. Emakumeak eskubidea du ezetz esateko, matxinatzeko, bere independentzia aldarrikatzeko”.