Niki de Saint Phalle
Jainkosa zuria / Andre beltzarana (The White Goddess / La Femme Brune), 1963
Berriro ere Clarice (Clarice Again), 1966–67
Iruzkinak
Hon lanaren margotutako argazkia, 1979
- Izenburua:
- Hon lanaren margotutako argazkia, 1979
- Erakusketa:
- Niki de Saint Phalle
- Gaiak:
- Emakumea artean | Giza gorputza | Artea eta espazioa | Artea eta komunikabideak | Sorkuntza artistikoa | Kolorea | Materiala | Tamaina | Erakusketak | Moderna Museet | Jean Tinguely | Per Olof Ultvedt | Greta Garbo | Pontus Hultén
- Artelan motak:
- Argazkia | Arkitektura | Eskultura | Kokapen zehatzerako artea
- Aipatutako artistak:
- de Saint Phalle, Niki
1966ko ekainaren 3an, erakusketa mota berri bat jarri zuten arte modernoaren Stockholmeko museoan eta bisitariek barnean sartzeko aukera ematen zuen monumentu-eskultura bat, argazkikoa modukoa, ikusi ahal izan zuten.
Pontus Hultén-ek, museoko zuzendariak, geroago Pompidou zentroko lehen zuzendariak, hiru artistari eskatu zien proiektu hura egiteko: Niki de Saint Phalle-ri, Jean Tinguely-ri eta Per Olof Ultvedt-i. Elkarlanean aritu ziren artistak. Suedieraz “bera, emakumea” esan nahi duen Hon hitza izenburu hartuta, eskultura-arkitektura bat egin zuten: etzandako emakume bat erretratatu zuten, erditzen ari balitz bezala. Horrek eskandalua sortu bazuen ere, edo agian eskandalua sortu zuelako, komunikabideetan oihartzun handia izan zuen eta oso ezaguna bihurtu zen.
Eskultura erraldoia, 27 metro luze, 9 metro zabal eta 6 metro garai, oihal zatiak animalia-kolatan busti eta metalezko armadura baten jarrita egin zuten. Ondoren, gorputzean, koloretako motiboak margotu zituzten, Saint Phallek aurreko urtean Nanak lanetarako asmatutakoen antzekoak.
Sarrera emakumearen bagina zen. Barnean, bisitariek gela batetik bestera ibili eta Tinguelyk eta Ultvedtek sortutako hainbat atrakzio zituzten ikusgai. Horien artean zeuden txirrista bat eta irudi faltsuen galeria bat zango batean, planetarioa bular batean eta kafetegi bat bestean, eta beso batean, berriz, herri hartan jaiotako Greta Garbo aktorea azaltzen zen lehen film laburraren emanaldia. Sabeleko irekidura terraza bat zen eta bertatik ikus zitekeen eskultura osoa eta akuario bat.
Emakumea (Hon) eraikuntza suntsitu egin zuten erakusketa amaitzen, baina burua, gorputzaren aldean txikia, museoko bilduman gordeta gelditu zen.