Niki de Saint Phalle
Alargun beltz armiarma (Black Widow Spider), 1963
Kennedy–Khrushchev, 1962
Iruzkinak
Tiro handia – J galeriako saioa (Grand Tir– Séance galerie J), 1961
- Izenburua:
- Tiro handia – J galeriako saioa (Grand Tir– Séance galerie J), 1961
- Erakusketa:
- Niki de Saint Phalle
- Gaiak:
- Emakumea artean | Artearen historia | Esperimentazio artistikoa | Sorkuntza artistikoa | Sormena | Kolorea | Lan-prozesua | Jean Tinguely | Pierre Restany | Indarkeria
- Mugimendu artistikoak:
- Errealismo Berria
- Artelan motak:
- Performance
- Aipatutako artistak:
- de Saint Phalle, Niki
“Tiro-margolanak” nondik nora egin zituen galdetuta, Niki de Saint Phalle-k azaldu zuen, behin, erakusketa batean, “itu-erretratu”etako bat beste artista baten erliebe erabat zuriaren ondoan jarri zutela ikusgai. Bisitariak bere irudiari dardoak botatzen ari zirela, Saint Phallek ondoko erliebeari odola zeriola imajinatu zuen.
Jean Tinguely-ri zer pentsatu zuen kontatzean, hark berehala praktikan jarri behar zuela esan zion. Eta halaxe egin zuen. Hainbat panel sortu eta igeltsu-geruza batez estali zituen; geruza hartan koloretako pinturaz betetako poltsak ezkutatu zituen, haiei tiro egiteko. Lehen tiro-saiorako 22 kalibreko eskopeta bat alokatu zuen, atrakzio-parke batekoa. Lursail huts batean izan zen saioa eta han izan ziren Jean Tinguely, lagunak eta Pierre Restany arte-kritikaria ere.
Txandaka erriflea hartu eta paneletara tiro egin zuten. Koloretako pintura-poltsak lehertu eta pintura igeltsu zurian behera erori zen. Restany harrituta gelditu zen sormenezko indarkeria hura ikusita eta berak sortutako Nouveaux Réalistes (Errealista Berriak) mugimenduarekin bat egitera gonbidatu zuen Saint Phalle. Baietz esan eta bera izan zen taldeko lehen emakumea. Jean Tingely bikotekidea, Arman, Yves Klein, Jacques Villeglé, Daniel Spoerri eta Martial Raysee kideak ziren jada. César eta Christo artistak geroago batu zitzaizkien.