Niki de Saint Phalle
Autorretratua (Autoportrait), ca. 1958-59
Gaueko saioa (Night Experiment), 1959 inguruan
Iruzkinak
Biluzi arrosa paisaian (Pink Nude in Landscape), 1959
- Izenburua:
- Biluzi arrosa paisaian (Pink Nude in Landscape), 1959
- Erakusketa:
- Niki de Saint Phalle
- Gaiak:
- Emakumea artean | Giza gorputza | Eragin artistikoa | Sorkuntza artistikoa | Kolorea | Materiala | Sinbologia | Biluzia | Paisaia | Ingurunea eta natura | Animaliak artean | Jackson Pollock | Jean Dubuffet | Jean Fautrier | Alaitasuna
- Mugimendu artistikoak:
- Arte informala | Pop Artea
- Teknikak:
- Dripping
- Artelan motak:
- Pintura
- Aipatutako artistak:
- de Saint Phalle, Niki
Irudi honetan, materialen elkarketaren bidez, bi arte-kultura uztartu zituen Niki de Saint Phalle-k: Jean Fautrier eta Jean Dubuffet artista frantziarrena eta Pop artista estatubatuarrena.
Kolore-kontrastedun eremu handiz osatu zuen margolana: lehen planoan emakume biluzi baten haragi arrosa bizia nabarmendu zuen; atzealdean, mendixkak eta zeru beltza eta grisa daude. Sakontasun-sentsazioa sortzeko, Errenazimentu aurretik, perspektiba sortu aurretik, margolariek baliatzen zuten segidako planoen printzipioa erabili zuen.
Izarrez eta planetaz jositako zeruaren azpian —“à la Pollock” (Pollock-en erara) esatea gustatzen zitzaion—, emakumea lira jotzen ari da eta irribarre zabala du aurpegi biribil-biribilean; aurpegia pintura-poto baten estalkia da. Autorretratuan bezala, hemen ere, emakumearen ilea kafe-alez eta hautsitako ontzi-pusketaz apaindua dago.
Emakumearen bularrak eta pubisa gorantz begira jarritako txintxetaz apaindu zituen, seguru asko, emakumeari babesteko boterea eman nahi baitzion.
Baina emakumearen biluztasunak ez du erotikotasunetik ezer. Jainkosa mitologiko baten modukoa da, natura menderatzen duen jainkosa baten modukoa. Emakume boteretsuak eta jainkotiarrak behin eta berriro azaltzen dira Niki de Saint Phalleren irudietan eta eskulturetan; animaliak ere ohikoak dira. Kasu honetan aharia eta sugea agertzen dira; batez ere sugea da ohikoa, izan ere, Saint Phalleren hitzetan:
“[Sugeei] nien beldurra alaitasun bihurtzea lortu nuen”.