Georges Braque
Natura hila sonatarekin (Nature morte avec la sonate), 1921
Frutak mahai-zapi edo fruta-ontzi batean (Fruits sur une nappe et compotier), 1925
Iruzkinak
Kanefora (Canéphore), 1922
- Izenburua:
- Kanefora (Canéphore), 1922
- Erakusketa:
- Georges Braque
- Gaiak:
- Emakumea artean | Giza gorputza | Pertsonaia mitologikoak | Eragin artistikoa | Forma | Geometria | Kolorea | Konposizioa | Proportzioa | Sinbologia | Testura | Erakusketak | Biluzia | Natura
- Mugimendu artistikoak:
- Abangoardia | Kubismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Braque, Georges
1920ko hamarkadaren hasieran, Braque-k indar handia zuen Frantziako pinturan. Horren adierazgarri da 1922ko Udazkeneko Erakusketak areto bat eskaini izana. Artistak berrogei urte bete berri zituen. Hemezortzi lan erakutsi ziren eta natura hilen erdian bi dekorazio-panel handi zeuden. Bi emakume biluzik ageri ziren gorputz erdiko irudian. Gizenak ziren eta fruta-saskiak zeramatzaten, kaneforak izenekoak.
Emakumeen gorputz biluzia ez da Braqueren lanetan asko landu den gaia, baina garai hartan modan zegoen. Emakumeen gorputz biluziari buruzko erakusketa egin berri zen Independenteen Erakusketan. Hemeretzigarren hamarkadako pintoreak bildu ziren bertan: Ingres, Corot eta Puvis de Chavannes, baita Renoir, Cézanne, Matisse eta Picasso modernoak ere. Gainera, Fernand Léger-ek, Maillol-ek eta Zadkin-ek irudi “klasikoak” ipini zituzten areto eta galeriatan. Biluztearen gaia, tradizioaren iraunkortasunaren ikurra, artearen historiaren jarraikortasunarena, modernitatearentzat historia horretan murgiltzeko modu bat zen, baina hizkuntza berri batekin.
Pintore askok parte hartu zuten iraganerako begirada horri, “onbidera itzultzea” deitu zioten. Braque arte arkaikoaren, antzinako artearen eta arte primitiboen zale amorratua zen, eta Kaneforak lanarekin, mugimendu horretan ezin hobeto murgiltzen zen. Kaneforak, buruan ofrendak eramaten zituzten antzinako Greziako neskatxen berrinterpretazioa da. Mihise horietan, gazteen gorputzek hartzen dute espazio osoa, materia lodiarekin (ia zimurra) daude tratatuta, erliebean; laburbilduz, oso modernoa dena, hain gai klasikorako.
Lana oso miretsia izan zen, eta batez ere, Louis Vauxcelles kritikariak laudorio handiak egin zizkion; izan ere, kubismoaren ezereza albo batera utzi zuen pintorearen itzulera goraipatu zuen. Hala eta guztiz ere, Carl Einstein-entzat, arte beltzaren eta kubismoaren teoriko alemanarentzat, Braquek ez zion iraganari uko egiten, esperientziak zabaldu besterik ez zituen egiten. Hain zuzen ere, Einsteini zor diogu Braqueri zuzendutako eta 1934ean frantsesez argitaratutako lehen monografikoa.