Georges Braque
Lautada I, zelaiak (La Plaine I, les champs), 1955
Iruzkinak
Ballet Saladeren dekoratua, 1924
- Izenburua:
- Ballet Saladeren dekoratua, 1924
- Erakusketa:
- Georges Braque
- Gaiak:
- Dekorazio-arteak | Eragin artistikoa | Sorkuntza artistikoa | Bolumena | Espazioa | Konposizioa | Lan-prozesua | Materiala | Perspektiba | Eszena-generoa | Hiri-eszenak | Landa-eszenak | Ikuskizun-arteak | Italia
- Mugimendu artistikoak:
- Arte Garaikidea
- Teknikak:
- Olio-pintura | Pintura (pintura akrilikoa)
- Artelan motak:
- Ehun piktorikoa | Kokapen zehatzerako artea
- Aipatutako artistak:
- Braque, Georges
Georges Braque-ren lanetan egiten ari garen ibilbide kronologiko honetan merezi du Braquek Errusiako Balletekin, Sergei Diaghilev-ekin eta Léonide Massine-rekin zuen harremanari kapitulu bat eskaintzea. Garai hartako artista asko aritu ziren haiekin elkarlanean. Lau lanetan aritu zen Braque haiekin batera: Les Fâcheux (1924), Salade (1924), Zéphire et Flore (1925) eta Les Sylphides (1926). Horietako hiru, Errusiako Balletek eszenaratu zituen eta Salade lanarekin lotuta, berriz, Léonide Massinek koreografia egin eta Etienne de Beaumont kondeak antolatutako ongintzako ikuskizunean eszenaratu zuten La Cigale antzokian. Salade ikuskizunerako, jantziak eta eszenografia diseinatu zituen Braquek eta ikuskizun hartako oihala eta Zéphyr et Flora laneko jantziren bat ere ikusgai daude.
Duela gutxi zaharberritu zuten oihala eta 1924an aurkeztu zutenetik lehen aldiz ikus daiteke orain. Ikuskizun hartan, Massinek Rosettaren maitasuna konkistatzeko borroka egin zuen Politxinela maitemindu bat interpretatu zuen. Braquek Cigale antzokiko sakontasunik gabeko agertokian maisuki egin zuen lan, agertokia arku bidez zatituz. Hala, aldi berean eszena bat baino gehiago antzez zitzaketen eta oihalari tonu ilunak jarri zizkion ikusleak Napoliko langileen auzune batera eramateko.