Jean Dubuffet. Abentura baten aztarna
Presentzia ugariak (Présences nombreuses), 1954
Atea askiarekin (Porte au chiendent), 1957
Iruzkinak
Haragi hostoratuak (Chairs feuilletées), 1954
- Izenburua:
- Haragi hostoratuak (Chairs feuilletées), 1954
- Erakusketa:
- Jean Dubuffet. Abentura baten aztarna
- Gaiak:
- Sorkuntza artistikoa | Forma | Gainazala | Kolorea | Lan-prozesua | Materiala | Testura | Erretratua eta autorretratua
- Artelan motak:
- Pintura
- Aipatutako artistak:
- Dubuffet, Jean
Berrogeiko hamarkadaren bukaeran, Dubuffet beste material batzuk erabiltzen hasi zen bere pinturetan. Olio-pinturak lehortzeko denbora asko behar duela uste zuenez, bizkorrago lehortzen ziren antzeko beste material batzuk bilatzen saiatu zen, sarritan etxebizitzetan erabili ohi den ur-pinturaz baliatuz, eta ondoren mihisearen ordez euskarri gogor bat erabiliz. Hemen ikusten dugun pinturan erabilitako oinarriak igeltsua ematen du, eta oinarri horretatik kolorezko geruza lodi bat nabarmentzen da, buru baten forma duena. Berrogeiko hamarkadaren bukaeran, Dubuffetek bere “tailerreko koadernoetan”, berak hala deitzen baitzien, pintatzeko material desberdinen nolakotasunak idazten zituen, adibidez koloreak nola nahasten zituen, lehortzeko zenbat denbora behar zuten, distiratsuak edo mateak ziren, edo pitzadurak sortzen ziren. Buru honek ustekabean sortutako orban bat eman badezake ere, ohar horiek adierazten digutenez Dubuffeten obretan ia ezer ez da ausaz egiten.