Azteken Inperioa
Sarrerako erakustokia: Xiuhtecuhtli eta Coatlicue
Iruzkinak
Sarrera
- Izenburua:
- Sarrera
- Erakusketa:
- Azteken Inperioa
- Gaiak:
- Artea eta gizartea | Artea eta historia | Azteken inperioa | Erdialdeko Amerika | Tenochtitlan | Mexiko
Ongi etorri Azteken Inperioa erakusketara. Erakusketa honetan, Erdialdeko Amerikako historian izan den arte sormen txundigarriko aldi bat berregin dugu. 1325ean, aztekek Tenochtitlan sortu zuten; gaur egungo Mexiko Hiria, alegia. Gerrari beldurgabeak ziren, eta, 1521eko Espainiarren Konkistarako, haien inperio zabalak Mexiko erdialdea hartzen zuen bere baitan. Erakusketa honetan ditugu aztekek sorturiko artelan apartak, bai eta Erdialdeko Amerikako beste talde batzuek sortuak ere. Gaurko taldeak dira horietako batzuk, eta azteken aurretikoak beste batzuk. Haien artea eta tresnak aztertuta, ikuspegi zehatza izango dugu, inperioaren loraldian azteken gizartea nolakoa zen.
Erakusketa gaika dago antolatuta; hartara, elkarrekin zerikusia duten artelanak elkarrekin daude ikusgai, erakustoki berean. Erakustokiko lan guztiak multzo gisa azalduko dizkizu, eta, batzuetan, taldearen barruko lanen bat aipatu ere bai.