Azteken Inperioa
Hamargarren erakustokia
Hamabigarren erakustokia
Iruzkinak
Hamaikagarren erakustokia
- Izenburua:
- Hamaikagarren erakustokia
- Erakusketa:
- Azteken Inperioa
- Gaiak:
- Giza gorputza | Artea eta erlijioa | Sinbologia | Biluzia | Erritua | Kolonaurreko kulturak | Azteken inperioa | Erdialdeko Amerika | Mexiko
- Artelan motak:
- Eskultura
Bi irudi hauek, gizonezkoa eta emakumezkoa, ez dira ohikoak Azteken artean: biluztasuna ez zen ia inoiz irudikatzen. Mutiko edo nerabeen eskulturak jantzi egiten zituzten eta burukoa jartzen zieten jaietarako. Maniki gisa ere erabiltzen zituzten; hainbat jainko irudikatzeko janzten zituzten zenbait erritotarako. Begietan lerro beltz leunak atzematen dira; beraz, daitekeena da azken agerraldian Xipe Totec, udaberriaren jainkoa, irudikatzea. Belarrietan zuloak ditu apaingarriak lotzeko; ahoa zati batean irekia du, eta abesten ari dela ematen du aditzera. Jatorrian, begien zati zuria maskorrez egina zegoen, eta begi niniak, obsidianaz. Irudiak, ziurrenik, banderak edo loreak zituen eskuetan.
Emakumezko irudiari Texcocoko Venus deritzo. Espainiarren aurretiko Mexikoko eskulturarik apartenetarikoa da. Irudiak detaile ugari du eta naturalismo handiz egina da. Eskultoreak sentikortasun eta estimu handia azaldu zuen emakumezkoen gorputzarekiko. Nerabe erabat garatua azaltzen du; bularrek eta sabel biribilduak, zein izterrek, agerian uzten dute emakumezkoa dela. Aurpegiak ez du inongo espresiorik eta maskara itxura du. Begiak irudikatzeko maskorra eta obsidiana izango zuen ziurrenik. Bularrean hutsune txiki laukizuzena du, harri berdezko bihotza sartzeko. Buruan zulo txikiak ageri dira: haietan ile xerloak zeuden, irudiari itxura errealagoa emateko.