Azteken Inperioa
Bosgarren erakustokia
Zazpigarren erakustokia
Iruzkinak
Seigarren erakustokia
- Izenburua:
- Seigarren erakustokia
- Erakusketa:
- Azteken Inperioa
- Gaiak:
- Artea eta erlijioa | Artea eta gizartea | Artea eta historia | Sinbologia | Erritua | Kolonaurreko kulturak | Azteken inperioa | Sakrifizioa | Animaliak artean | Erdialdeko Amerika | Mexiko
Erakustoki honetan ageri den harrizko plaka karratu zizelkatua Tepozteco tenplutik (Tepoztlan) dator. Zizelkaturik dagoen irudia Tetzcoco aintziraren sakonenean bizi den txakur mitikoa da. Bere buztanarekin irispidean jartzen zitzaion edozein itotzen zuen. Plakan, bizkarrean ur uhinak dituela ageri da txakurra.
Plakaren jatorria zortzigarren agintari aztekaren (tlatoani) garaipena oroitarazteko egin zen eraikuntza da, eskualdea konkistatu zuenean egin zutena. Azteken jainko nagusiak, Huitzilopochtli izenekoak, agindu zien bere jarraitzaileei unibertsoko edozein norabidetan hedatzen ziren lurraldeak konkistatuko zituztela, baldin eta haren aginduak betetzen bazituzten. Gero, horixe izan zen tlatoani bakoitzaren betekizun nagusia.
Hemen erakusten den harrizko zerraldoak ere badu lotura azteken agintari batekin. Estalkiaren barrualdean landutako erliebeak errege burukoa, sudurrerako turkesazko apaingarria, eta hizketa erroilu bat, tlatoani delakoari lotuta, irudikatzen ditu. Zenbait adituren ustez, buruko apaingarria Motecuhzoma Xocoyotzin izenekoari dagokio. Zerraldoak Motecuhzomaren gorpuzkia edukiko zituen, edo harena izango zen, baina autosakrifiziorako tresnak gordetzeko erabilita. Nork bere buruari odola ateratzeko erritua jainkoekin harremanetan jartzeko ekintza pertsonaltzat jotzen zen.