Azteken Inperioa
Hamazazpigarren erakustokia
Hemeretzigarren erakustokia
Iruzkinak
Hemezortzigarren erakustokia
- Izenburua:
- Hemezortzigarren erakustokia
- Erakusketa:
- Azteken Inperioa
- Gaiak:
- Bizitza | Heriotza | Artea eta gizartea | Erlijioa | Erritua | Kolonaurreko kulturak | Azteken inperioa | Sakrifizioa | Kolonialismoa | Espainia | Mexiko
- Artelan motak:
- Hilobi ondasunak
Hemen erakusten diren objektuak odol ateratzeen eta giza sakrifizioen erritoei lotzen zaizkie: besteak beste, biktimaren bihotza ebakitzeko erabiltzen zen labana, eta sakrifizioa egiten zen harrizko aldarea. Objektu haiek tresna hutsa baino gehiago ziren: aztekek sinesten zuten giza sakrifizioetarako erabiltzen ziren tresnak biktimen bizi energiaz betetzen zirela. Tresna haiek jada ez zirenean erabilgarriak, errito bidez hobiratzen zituzten, berariaz hartarako egindako kutxa handietan.
Espainiarrek XVI. mendean Mexiko kolonizatu zutenean, azteken gizakiak sakrifikatzeko tradizioak zeharo ikaratu zituen. Erritoak zehaztasun handiz deskribatu zituzten. Espainiarren konkista zuritzeko erabili zuten hori, eta bertakoen erlijio tradizioak desagerrarazteko. Baina, Erdialdeko Amerikako pentsaeran, oinarrizko ideia zen bizitza heriotzatik loratzen zela. Norberaren odol ateratzearen eta sakrifizioaren bidez, eguzkia, lurra eta jainkoak elikatzen ziren. Zeremonia haiek sorkuntzaren mitoetan ere bazuten eraginik. Azteken ustez, jainko‑jainkosek euren burua sakrifikatu zuten mundua sortzeko; eta eurek sakrifizio hori islatzen zuten, eta ordainetan giza bihotzak eskaintzen zituzten. Beste kontzeptu garrantzitsu bat zen jainko‑jainkosen eta gizakien arteko harremana mesede trukeetan oinarritzen zela. Hilkorrek eskaintzak eta sakrifizioak egiten zituzten jainko‑jainkosentzat; alegia, beharrezkoak zituzten, baldin berrituko baziren. Ordainetan, jainkoek bizitza eta lurreko ondarea bermatzen zizkieten gizakiei.