Azteken Inperioa
Hamahirugarren erakustokia
Hamabosgarren erakustokia
Iruzkinak
Hamalaugarren erakustokia
- Izenburua:
- Hamalaugarren erakustokia
- Erakusketa:
- Azteken Inperioa
- Gaiak:
- Bizitza | Heriotza | Mitologia | Artea eta erlijioa | Artea eta kultura | Sinbologia | Kolonaurreko kulturak | Azteken inperioa | Erdialdeko Amerika | Mexiko
- Artelan motak:
- Eskultura
Galeria honetako eskulturak azteken erlijioari eta munduaren gainean zuten ikuspegiari buruzkoak dira. Azteken arabera, unibertsoan hiru erresuma zeuden. Gainean zerua zegoen, jainko batzuen egoitza zena, bai eta eguzkia, izarrak eta haizea ere. Azpian, infernua zegoen, eta heriotzaren jainkoak agintzen zuen han. Bien artean lurraren gainazala zegoen, Tlalticpac, bizien tokia. Sorkuntzan mundua lautan zatitu zen, eta bakoitzean zeruari eusten zion zuhaitza zegoen. Erdian bosgarren zuhaitza zegoen, axis mundi, zeruaren eta infernuaren arteko atea.
Galeria honetako zutik diren bost irudiak Mexiko Hiriko tenplu azteka nagusi bikainekoak dira. Zeruen lau euskarriak irudikatzen dituzte, iparraldean, hegoaldean, ekialdean eta mendebaldean, bai eta erdiko bosgarren euskarria ere. Hemen ez dira zuhaitz gisa irudikatzen, gerrari gisa baizik. Guztiak dira gizonezkoak, mendebaldera begira dagoen euskarria salbu; alegia, daraman gonak oreka lortzeko beharrezkoa zen emakumezko elementua adierazten du. Bosgarren euskarria denboraren eta suaren jainkoa da, munduaren funtseko erdigunea.