Azteken Inperioa
Zazpigarren erakustokia
Bederatzigarren erakustokia
Iruzkinak
Zortzigarren erakustokia
- Izenburua:
- Zortzigarren erakustokia
- Erakusketa:
- Azteken Inperioa
- Gaiak:
- Arkeologia | Artea eta gizartea | Artea eta kultura | Erlijioa | Sinbolismo erijiosoa | Kolonaurreko kulturak | Azteken inperioa | Erdialdeko Amerika | Mexiko | Teotihuacan
Aztekak Mexikoko haranera iritsi zirenean, han sortutako bi kultura garrantzitsu aurkitu zituzten: Teotihuacan eta Tolteka estatuak. Erakustoki honen ardatza horietako lehenengoa da, Teotihuacan.
Teotihuacanek Mexiko erdialdeko kulturan eta politikan nagusi izan zen, Kristo ondorengo lehendabiziko sei mendeetan. Hiriburua metropoli itzela zen, Erdialdeko Amerikan kosmosari buruz zuten ikuspegia islatzeko eraikita. Erdialdeko Amerika osoan, kosmosean hiru maila ikusten zituzten: behealdean, infernua; erdialdean, lurra, unibertsoaren lau laurdenetan banatuta; eta goian, zerua. Mundua lau laurdenetan bananduta zegoelako ideia arkitekturan eta hirian islatzen zen, lau zenbakiaren erreferentzia ugari baitzuten.
Aztekak iritsi zirenerako, Teotihuacan aztarnategi arkeologikoa baino ez zen. Leku sakratutzat hartu zuten hiria, eta Teotihuacango objektu eta artelan asko atera zuten lurpetik, bai eta erabili ere.
Esaterako, aztekek asko estimatzen zituzten hemen erakusten diren maskarak eta antzekoak. Beren errituetan erabiltzen zituzten. Hileta maskarak turkesa du txertaturik azal guztian, eta bereziki modu ederrean landu zuten. Bekainei eta sudurrari dagozkion edergarriak, spondylus izeneko ostraren maskor gorriaz eginda daude; eta begiak, aldiz, obsidianazkoak dira. Maskara zoragarri hau aurkitu zutenean, eztabaida handiak izan ziren benetakoa zen ala ez erabakitzeko, baina orain benetakoa dela onartu da, eta Erdialdeko Amerikako artelan miretsienetakoa bilakatu da.