Azteken Inperioa
Hogeita bigarren erakustokia
Hogeita laugarren erakustokia
Iruzkinak
Hogeita hirugarren erakustokia
- Izenburua:
- Hogeita hirugarren erakustokia
- Erakusketa:
- Azteken Inperioa
- Gaiak:
- Artea eta erlijioa | Sinbologia | Erritua | Kolonaurreko kulturak | Azteken inperioa | Herri-kultura | Erdialdeko Amerika | Tenochtitlan | Mexiko | Zeramika
- Artelan motak:
- Artisautza
Zeramikazko eta buztinezko objektu koloretsu hauen sorta Erdialdeko Amerikako hainbat tokitatik dator.
Aipagarria da otarre itxurako heldulekua duen pitxer muturduna. Muturraren aurkako aldean aurpegi bat dago. Aurpegi horrek goi mailako gizarteko kideren bat irudikatzen du ziurrenik. Izan ere, belarriak itxuraldatuta ditu, belarriak luzatzeko erabiltzen ziren tresnen eraginez. Pitxerra Coatlalpanec‑eko tradiziokoa da. Espainiarren garaia iritsi aurretik Coatlalpan izena zuen eremua Mexiko erdialdean zegoen, egungo Puebla hiriaren hego‑ekialdean, hain zuzen. Coatlalpanec‑eko zeramikazko piezetan bi kolore nahasten ziren, grafito beltz kolorea eta gerezi‑gorri pigmentuak.
Cholollan (gaur egungo Cholula hiria) ere garrantzitsua zen horrelako zeramikazko kolore anitzeko piezak egiteagatik. Bestalde, apaizen batek erabiliko zuen helduleku luzea duen intsentsu ontzia. Heldulekuaren beste muturrean dagoen ontzitik intsentsuaren lurrinezko hodeiak irteten ziren. Intsentsu ontziaren hondoa edertuta dago espiral itxurako diseinuekin. Kanpotik ere elkarri lotzen zaizkion txirikorda edergarriak ditu. Horrelako zeramikazko piezak errituetarako egiten zituzten: Cholollan zen Erdialdeko Amerika osoko erdigune erlijioso garrantzitsuena. Gauza horiek tratuen ondorioz edota ordain gisa iritsi ahal izan ziren Tenochtitlanera. Baliteke zeramikazko piezak han bertan egitea. Eskualdeen arabera aldeak zeuden arren, guztiek dituzte estilo bereko hainbat ezaugarri, hala nola antzeko koloreak eta motiboak nahiz sinboloak erabiltzea. Hizkuntza artistiko bera izateari esker batu ziren Erdialdeko Amerikako talde politiko ezberdinak.