Azteken Inperioa
Hemeretzigarren erakustokia
Hogeita batgarren erakustokia
Iruzkinak
Hogeigarren erakustokia
- Izenburua:
- Hogeigarren erakustokia
- Erakusketa:
- Azteken Inperioa
- Gaiak:
- Erlijioa | Sinbolismo erijiosoa | Kolonaurreko kulturak | Azteken inperioa | Sakrifizioa | Kolonialismoa | Ingurunea eta natura | Animaliak artean | Tenochtitlan | Mexiko
- Artelan motak:
- Eskultura
Bi irudi hauek artisau azteken trebetasuna erakusten dute. Irudi biak daude moldatutako buztinezko bost zatirekin eginda. Irudi bat kaskoa daraman gizon batena da. Kaskoak arrano itxura du eta gizonaren aurpegia hegaztiaren mokotik ateratzen da. Gizonaren arropetan hegoak ere badaude eta hanketan atzaparrak ditu. Ustez eguzkiaren irudiaren sinbolo bat da, eguzkiak zeruan egiten duen bidaian.
Beste eskulturak Mictlantechuhtli irudikatzen du, infernuko jainkoa. Mehatxuzko irudia islatzen du. Atzaparrak ditu eta ia haragirik gabe azaltzen da, azalean usteltzen ari diren zarakarrak dituela. Buruan dituen zuloak, segur aski, ile kizkurrari eusteko ziren. Paparrean gibelaren irudi bat du zintzilik. Jainko hau Mictlan izeneko lurraldeko buru zen; jendea zahartuta edo gaixotuta hiltzen zenean, lurralde hartara joaten zen. Aztekek uste zuten Mictlantecuhtli‑k giza odola hartzeko irrikatan zegoela, eta, horregatik, eskaintzak egiten zizkioten.
Bi eskultura bikain hauek Arranoen etxean aurkitu zituzten. Egundoko eraikina zen. Azteken hiriburuaren erdigunean zegoen, esparru sakratuaren baitan, Tenochtitlanen. Hernan Cortes espainiar konkistatzailea zur eta lur geratu zen mendietatik Mexikoko ibarrerantz begiratzean, hain txundigarria zen han ageri zena: aintzira itzel bat zegoen, eta sinetsi ezineko hiri bat haren gainean. Tenochtitlan hiriguneko erdialdeak hamabi kilometro koadro zituen ia‑ia. Gutxi gorabehera 200.000 biztanle bizi ziren han.
Ikuspegi liluragarri hura berehala aldatuko zen. Tenochtitlan 1521ean konkistatu zuten militarrek. Konkistaren ondorioz ia hiri osoa suntsitu zuten. Tenochtitlan hiri kolonial berri bat bilakatu zen. Geroago Mexikoko hiriburua den metropoli modernoa bihurtu zen.