Azteken Inperioa
Hogeigarren erakustokia
Hogeita bigarren erakustokia
Iruzkinak
Hogeita batgarren erakustokia
- Izenburua:
- Hogeita batgarren erakustokia
- Erakusketa:
- Azteken Inperioa
- Gaiak:
- Mitoak | Arkeologia | Artea eta gizartea | Erlijioa | Sinbolismo erijiosoa | Kolonaurreko kulturak | Azteken inperioa | Ingurunea eta natura | Erdialdeko Amerika | Tenochtitlan | Mexiko
- Artelan motak:
- Eskultura
Eskultura hauek guztiak Tenplu Nagusian (Templo Mayor) bertan edo alboan aurkitu zituzten, azteken hiriburu zen Tenochtitlanen. Tenplu Nagusiak lau alde eta piramide itxurako egitura zituen. Hiriko eraikinik bikainena zen. Tenochtichlan sortu zutenean egin zuten, 1325. urtean. Hasierako egitura sinplearen ordez beste eraikin iraunkorrago bat jarri zuten. Eraikin hori handitu egin zen geroko belaunaldiekin.
Aztekek unibertsoari buruzko eta beraiek unibertsoan zuten tokiari buruzko ikuspegia islatzen du Tenplu Nagusiaren sinbolismoak. Aztekak gerrariak ziren. Haien ustez, Erdialdeko Amerikako beste herrialde batzuk konkistatzeko betebeharra eman zieten jainkoek. Tenochtitlan zen haien inperioaren indarraren erdigunea. Era berean, haien hiriburua munduko erdigunetzat zuten. Azteken ustez, izaki bizidunak bizi ziren unibertsoko zatia lau zatitan banatuta zegoen. Eraikinean kanpora begira dauden lau zatiek lau puntu kardinal horiek irudikatzen dituzte. Gainera, haien ustez, munduko hiru mailek, hots zeruak, lurrak eta infernuak bat egiten zuten Tenplu Nagusian. Eraikina bi zatitan banatuta zegoen. Zati bat Tlaloc uraren jainkoari eskaini zioten. Bestea Huitzilopochtli gerraren jainkoari. Hura zen azteken jainko zaindaria. Tenpluan aurkitutako artelan ugarik zerikusia dute bi jainko horiekin. Jainko horiengan zuten interesak argi uzten du azteken gizarteak zituen bi behar ekonomiko garrantzitsuenak: ura nekazaritzarako, eta gerra beste gizatalde batzuk zanpatzeko eta haiei ordainak eskatzeko.