Azteken Inperioa
Hogeita hirugarren erakustokia
Hogeita bosgarren erakustokia
Iruzkinak
Hogeita laugarren erakustokia
- Izenburua:
- Hogeita laugarren erakustokia
- Erakusketa:
- Azteken Inperioa
- Gaiak:
- Artisautza | Artea eta gizartea | Kolonaurreko kulturak | Azteken inperioa | Tarasco | Ingurunea eta natura | Animaliak artean | Erdialdeko Amerika | Tenochtitlan | Mexiko | Brontzea | Zeramika
Azteken etsai garrantzitsuena taraskoen inperioa zen, Tenochtitlan‑en mendebaldean. Taraskoen indarra brontzea eta kobrea lantzeko zuten gaitasunean oinarritzen zen. Izan ere, armak eta tresnak egin zitzaketen, beren nagusitasuna militarki inposatzeko. Hemen dituzuen txori itxurako kobrezko zintzilikarioek haien trebetasuna erakusten dute. Aztekek bezala, taraskoek inguruko aintziretako txoriak eta animaliak hartzen zituzten artelanetan irudikatzeko. Txoriaren begien gainean dagoen zuloak erakusten duenez, zintzilikarioa agintariek eta nobleek josten zuten arropetan.
Taraskoek harria lantzeko artea ere landu zuten. Harrietan egindako lanik garrantzitsuenak koiotea erakusten du. Hemen tronu bat egin dute koiotearen itxurarekin. Animalia lau hanketan ikusten da mehatxuzko posturan. Badirudi arnasestuka dagoela, ahoa irekita eta mihia zintzilik. Horrelako altzariak taraskoen agintariek baino ez zituzten.
Hemen ikusten ditugun zeramikazko ontzi koloretsuek eta buztinezko pipa elegante eta luzeak erakusten dute arlo honetako lanetan lortutako dotoretasuna. Buztinlari taraskoek oso diseinu ederrak sortu zituzten errituetako ontzietarako. Gainera, forma eta tamaina askotakoak ziren. Lan horiek duten akabera distiratsuari eta koloretsuari esker, taraskoen zeramikazko lanak garai hartako konplexuenetakoak zirela jotzen da.