Azteken Inperioa
Hemezortzigarren erakustokia
Hogeigarren erakustokia
Iruzkinak
Hemeretzigarren erakustokia
- Izenburua:
- Hemeretzigarren erakustokia
- Erakusketa:
- Azteken Inperioa
- Gaiak:
- Mitoak | Sinbologia | Erlijioa | Kolonaurreko kulturak | Azteken inperioa | Quetzalcóatl | Sakrifizioa | Ingurunea eta natura | Animaliak artean | Mexiko | Tradizioa
Azteken jainkorik garrantzitsuenetako bat Quetzalcoatl zen. Quetzalcoatl izenak “lumadun sugea” nahi du esan. Normalean, lumadun jantziekin irudikatzen zen, eta suge itxurako burukoarekin, aurpegia sugearen baraila irekien artetik ageri zuela.
Quetzalcoatlen presentzia oso handia zen Erdialdeko Mexikon. Hura gurtzean, aztekek antzinako tradizioari eusten zioten. Mitoaren arabera, Quetzalcoatlek sortu zuen bosgarren eguzkia izeneko garaia. Aztekek uste zuten sorkuntzaren bosgarren ziklo hartan bizi zirela, eta hura zela azkena. Ziklo hori amaitutakoan, betiereko iluntasunak guztia irentsiko omen zuen, eta ez omen zen egongo Seigarren Eguzkirik. Azken suntsipen hori ezin zen aurrez ikusi, baina atzera zitekeen. Aztekek eguzkia gerraritzat jotzen zuten, egunero borrokatzen baitzen iluntasuneko indarren aurka. Eguzkia indartsua bazen, borroka irabazten jarraituko zuen, eta unibertsoak iraun egingo zuen. Aztekek sinesten zuten, eguzkia indartsu mantenduko bazuten, giza odolarekin elikatu behar zutela, bereziki, borrokan gatibu hartutako gerrari indartsuen odolarekin. Hortaz, gerra eta sakrifizioa zeregin sakratuak ziren, unibertsoak biziraun zezan bermatzen zutenak.