Azteken Inperioa
Hamabosgarren erakustokia
Hamazazpigarren erakustokia
Iruzkinak
Hamaseigarren erakustokia
- Izenburua:
- Hamaseigarren erakustokia
- Erakusketa:
- Azteken Inperioa
- Gaiak:
- Artea eta erlijioa | Sinbologia | Erritua | Kolonaurreko kulturak | Azteken inperioa | Sakrifizioa | Xipe Totec | Erdialdeko Amerika | Tenochtitlan | Mexiko
- Artelan motak:
- Artisautza
Multzo honetako objektu guztiak Xipe Totec jainkoari dagozkio, urregileen jainko zaindariari. Xipe Totec izenak Gure Jaun Larrutua nahi du esan. Udaberrian hari eskaintzen zaion jai garrantzitsua egiten da: Tlacaxipehualiztli. Jaian, gatibuak sakrifikatzen zituzten, eta gero larrutu egiten zituzten, hots, azala kentzen zieten. Azala apaiz batek janzten zuen, jainkoa antzeratzeko. Buztinezko iruditxoak, zein harrizko irudi handiagoa, larru hura gainean zutela erakusten ziren.
Zeremonian larrua ontzietan ipintzen zuten, hemen erakusten den ontzi biribil honen antzekoetan, eta jainkoari eskaintzen zitzaion. Ontzi honen gainazala giza azalaren antza izateko egina da.
Xipe Totec borrokari lotzen zitzaion, eta maiz batailetan preso hartutakoak izaten ziren harentzako sakrifizioetako biktimak. Jaian zehar, gerrariek presoen azala janzten zuten, eta Tenochtitlanen zehar batailak antzezten zituzten. Ospakizunak hogei egun irauten zuten; aldi hartan azala usteldu egiten zen gerrarien gorputzen gainean. Xipe Totec udaberriko berritzearen jainkoa zen. Jaiaren amaieran, gazteak azal ustelduaren azpitik ateratzen zirenean, hazietatik sorturiko kimuen antzekoak ziren: bizi berriaren eta ugalkortasunaren sinbolo.