Azteken Inperioa
Bederatzigarren erakustokia
Hamaikagarren erakustokia
Iruzkinak
Hamargarren erakustokia
- Izenburua:
- Hamargarren erakustokia
- Erakusketa:
- Azteken Inperioa
- Gaiak:
- Gizakia | Artea eta erlijioa | Artea eta gizartea | Kolonaurreko kulturak | Azteken inperioa | Erdialdeko Amerika | Mexiko
- Artelan motak:
- Eskultura
Hargin aztekak irudi fin eta dotoreak zizelkatzen nabarmendu ziren, bai eta harri bolkaniko zakarrekin ere. Irudi multzo honetan, eskultoreak trebeziaz jaso ditu azteken gizarteko egitura eta jantziak azaltzen dituzten xehetasunak. Azteken eskultura gehienak erlijiosoak izan arren, badira guztiz sekularrak direnak ere. Gizonezko irudiak kakao zorro handia du eskuan; daitekeena da merkatari bat irudikatzea. Kakao zorroko aleak txokolatea egiteko erabiltzen ziren; alegia, oso edari hedatua zen azteken artean. Kakao aleek balio handia zuten merkataritzarako, eta ordain eta diru gisa ere erabiltzen zituzten.
Beste bi gizonezko irudiek jantzi sinpleak dituzte. Bata zutik dago eta bestea kukubilko. Behe mailetako gizonak dira, azteken gizarteko plebeioak, alegia. Gizarte estatusa jantzien bidez adierazten zen; gizon haiek oinutsik daude, gerripeko bat baino ez dute gerriaren inguruan lotuta, sexu organoak estaltzeko. Baina irudien indarrak eta irmotasunak gizon haiek gizartean oso garrantzitsuak zirela ematen dute aditzera: bizitzaren lorean, gerrari gisa arituko ziren azteken nagusitasuna mantentzeko.
Bestalde, harrizko irudiaren jantzia oso landua da; Chalchiuhtlicue, uraren jainkosa, irudikatzen du. Haren garrantzia nabarmentze aldera, eskultoreak arreta handia harri dio soinekoko xehetasunei. Aurpegiaren inguruan banda bat du, eta handik kotoizko borlak daude zintzilik. Pontxo erako kapa motz hirukia du, quechquemitl izenekoa eta gona estanpatu finarekin dago apainduta.