Azteken Inperioa
Hamaseigarren erakustokia
Hemezortzigarren erakustokia
Iruzkinak
Hamazazpigarren erakustokia
- Izenburua:
- Hamazazpigarren erakustokia
- Erakusketa:
- Azteken Inperioa
- Gaiak:
- Artea eta gizartea | Artea eta musika | Erlijioa | Erritua | Kolonaurreko kulturak | Azteken inperioa | Sakrifizioa | Xipe Totec | Mexiko
Azteken jaietan otoiz, kantu, prozesio eta dantza anitz egoten zen. Musika oso garrantzitsua zen. Gehien erabiltzen zen instrumentua flauta zen. Flautak buztinezkoak izaten ziren, eta ospatzen zen jainkoaren arabera egoten ziren apainduta. Bereziki flauta erabiltzen zen jaietako bat Toxcatl zen. Ospakizun honetan, apaizak Tezcatlipoca jainkoa antzeratzen zuen. Musika malenkoniatsua jotzen zuen flautarekin, sakrifikatuko zuten tenplura igotzen zen bitartean.
Gizakien ordezkari bat sakrifikatuz gero, jainkoari berari berpiztea ahalbidetzen zitzaion. Zenbait giza taldek irudikatzen zituzten jainko‑jainkosak. Baldin jainko gerraria bazen, gerrari baten bidez irudikatzen zen. Adintsuak sakrifikatzen zituzten infernuko jainkoari eskaintzeko; gazteak, artoaren jainkosari eskaintzeko; eta haurrak, euriaren jainkoei eskaintzeko. Sakrifizioa egiteko era ere jainko‑jainkosen ezaugarriei lotzen zaie. Adibidez, suaren jainkoari eskaintzeko ziren biktimak erre egiten zituzten; ehizaren jainkoari eskaintzeko zirenak geziak jaurtita hiltzen zituzten; eta Gure Jaun Larrutuari, Xipec Totec jainkoari eskaintzeko zirenak larrutu egiten zituzten.