Azteken Inperioa
Zortzigarren erakustokia
Hamargarren erakustokia
Iruzkinak
Bederatzigarren erakustokia
- Izenburua:
- Bederatzigarren erakustokia
- Erakusketa:
- Azteken Inperioa
- Gaiak:
- Artisautza | Artea eta gizartea | Artea eta kultura | Kolonaurreko kulturak | Azteken inperioa | Tolteca | Erdialdeko Amerika | Mexiko
Aztekek eurak baino lehenagoko herrien tradizio artistiko aberatsa jaso zuten. Tolteken hiriburu zaharra, Tula, azteken Tenochtitlan hiritik 70 kilometrora zegoen, iparraldean. Teotihuacan desagertu eta gero sortu zen, eta, Kristo aurreko 1100. urtearen inguruan, inperio zabalaren erdigune bihurtu zen. Toltekak eskulangile, eraikitzaile, merkatari, filosofo eta gerrari ospetsuak ziren.
Erakustoki honetako oihal angeluzuzen hau, dekorazio ederrekoa, eta lepokoa erantsia duena, koraza bat da: gerrari baten lepoa eta bularra babestuko zituen borrokan. Spondylus izeneko ostraren oskol zati leunekin eginda dago. Zati bakoitza hain era zehatzean ebakirik dagoenez, ondokoarekin estu‑estu egokitzen da. Zati guztiek zuloa dute mutur batean, eta euskarritzat erabilitako oihalean jos daitezke. Pieza osoari akabera emateko, perla ostraren eta barraskiloen oskolak erabili zituzten. Objektu zoragarri hau eskaintza bat izan daiteke: oraindik ere orban zurixka ikus daiteke sabelaldean, han intsentsu erretxina erre baitzuten eskaintza egiteko errituan. Zurezko diskoa era erakusgai dugu hemen. Mosaikoarekin apainduta dago, eta korazarekin batera aurkitu zuten, drainatze sistema bat garbitzen ari zirela.