Jean-Michel Basquiat: Bada garaia
Busted Atlas 2, 1982
Polizia beltz baten ironia (Irony of a Negro Policeman), 1981
Iruzkinak
Lasterketako zaldi iluna – Jesse Owens (Dark Race Horse – Jesse Owens), 1983
- Izenburua:
- Lasterketako zaldi iluna – Jesse Owens (Dark Race Horse – Jesse Owens), 1983
- Erakusketa:
- Jean-Michel Basquiat: Bada garaia
- Gaiak:
- Giza gorputza | Artea eta gizartea | Artea eta historia | Artea eta identitatea | Artea eta kirola | Kritika | Erretratua eta autorretratua | New York | Jesse Owens | Arrazakeria | Esklabotza | Indarkeria
- Aipatutako artistak:
- Basquiat, Jean-Michel
Hemen, Basquiat-en arreta hartu duen pertsonaia Jesse Owens da, atleta afrikar-amerikarra. 1936an, Berlingo Udako Joko Olinpikoetan egin zuen salto nazioarteko ospera. Joko Olinpiko horiek Alemania naziak antolatu zituen. Owensek lau domina irabazi zituen, Hitlerren nagusitza zuriko ideien muturren aurrean haizatutako balentria eta, hartara, afrikar-amerikar harrotasuna sendotu zuen. Basquiatek Owensen oinari, horrelako lorpen paregabeak bultzatu zituenari, erreparatzen dio. Oinak, gainera, Basquiatek anatomiari jarritako arreta iraunkorra gogorarazten digu.
Artelan hau 1983koa da, Basquiaten arrakasta ziztu batean gora zihoanekoa. Urte gutxi batzuk lehenago etxegabe ibili ondoren, oraingoan, estudio berri batera lekualdatzeko aukera izan zuen. Gainera, garaitsu horretan, Basquiatek bidegabekeria sozialen eta arraza-diskriminazioaren gaiak sakonago aztertu zituen. Ondo ezagutzen zituen berak. New Yorkeko arte-munduan goretsia izan arren, batzuetan hiriko taxi bat ere ezin zuen hartu. Eskarmentu pertsonal horiek bere lanera bideratu zituen eta, hartara, beltzen historiaren narrazioak aztertu: esklabotza, kolonialismoa eta arrazakeria. Gai horiek landuz eta egungo garaira ekarriz, Basquiaten artea bera aldaketarako eragile bihurtu zen.