Jean-Michel Basquiat: Bada garaia
Exu, 1988
Sagarrak eta limoiak (Apples and Lemons), 1985
Iruzkinak
Esne beltza (Dark Milk), 1986
- Izenburua:
- Esne beltza (Dark Milk), 1986
- Erakusketa:
- Jean-Michel Basquiat: Bada garaia
- Gaiak:
- Giza gorputza | Heriotza | Artea eta identitatea | Artea eta emozioa | Eragin artistikoa | Sorkuntza artistikoa | Dualtasuna | Sentimenduak
- Artelan motak:
- Pintura
- Aipatutako artistak:
- Basquiat, Jean-Michel
Basquiat-ek bi buru jartzen ditu parez pare pintura honen erdian: ezkerrean, silueta marroi bat gora begira, hortzen artetik sugarrak jaurtiz; eskuinean, berriz, buru beltz bat behera zorura begira, beheraka sua jaurtiz.
Bere ibilbidean, Basquiat dualtasunaren gaira hurbildu zen, eta kontrakoak auzitan jarri zituen, adibidez, ona eta gaitza, beltza eta zuria. Hori artelanaren izenburuan geratzen da agerian: “Dark Milk” edo “Esne beltza”.
Margolanaren goiko eskuineko izkinan, profil txiki batek artistaren egoera emozionala adierazten du: azal iluneko burezur begigorri bat, askotariko identitateek itota.
Margolanak Basquiaten inspirazio asko konbinatzen ditu: ez bakarrik kaleak, baita museoak ere. Umetan Brooklyngo Arte Museoa bisitatzen ari zela, antzinako Egiptoko tramankuluak ikusi zituen, eta hemen, goiko alde guztian hieroglifikoak sartu ditu. Antzinako Tebas hiriari egiten diote erreferentzia; eskuinaldean, berriz, ‘morte’ hitza agertzen da, ‘hildako emakumea’ frantsesez. Hieroglifikoekin bezala, ukitzen ditu heriotzaren, jainko txikien eta hil ondoko bizitzaren gaiak.