Jean-Michel Basquiat: Bada garaia
Saxofoi altua (Alto Saxophone), 1986
Heroikoa (Eroica), 1987
Iruzkinak
Natchez, 1985
- Izenburua:
- Natchez, 1985
- Erakusketa:
- Jean-Michel Basquiat: Bada garaia
- Gaiak:
- Giza gorputza | Artea eta historia | Artea eta identitatea | Artea eta literatura | Artea eta musika | Eragin artistikoa | Kritika | Sorkuntza artistikoa | Kolorea | Materiala | Hip hop | Jazz | Rap | Esklabotza
- Mugimendu artistikoak:
- Arte Kontzeptuala
- Teknikak:
- Collage | Marrazkia
- Artelan motak:
- Grafitia
- Aipatutako artistak:
- Basquiat, Jean-Michel
Hizkuntza tresna indartsua izan zen Basquiat-entzat bere ibilbidean, hasi bere grafitietatik eta azken artelanetaraino; honako hau kasu. Mihise bati erantsitako paper-puskaz eginda dago; gehienek testua eta irudiak dituzte; marrazkiak eta marrazkien koloretako fotokopiak daude.
Artelanak Natchez du izena, Mississippi ibaiaren deltako hiri zaharrena. Eremu hori, Basquiaten iritziz, afrikar-amerikar kulturaren gotorlekua zen, baina ibaia esklabo-tratuaren konplizetzat zeukan. Afrikar-amerikar historiaren erreferentzia horrekin batera, afrikar-amerikar lorpen handien zerrenda bat gehitzen du, adibidez, jazz-musikariak eta blues abestien izenak. Beste bere zaletasun batzuekin ere konbinatzen ditu: animaliak eta astronomia, eta gorputz-atalen marrazkiak. Horrek berriro ekartzen gaitu bere begietako anatomia-liburura: Gray’s Anatomy.
Collagearen bere erabileran, Basquiatek lehenagoko artistetan inspiratu zen, hala nola, Pablo Picasso, aitzindari izan baitzen bere artelan kubisten bitartez, baita Robert Rauschenberg ere, 1960ko urteetan collagearekin lan egin zuena. Basquiatek, gainera, William S. Burroughs beat idazlearen collage literarioari buruzko interesa agertu zuen. Burroughsek pusketa-teknika (cut-up) erabiltzen zuen istorioak ontzeko, hau da, haren beste lan batzuen zatiak baliatzen zituen berri bat eratzeko. Era berean, collage eta musika arteko paralelotasunak ezar daitezke, batez ere raparekin eta hip hoparekin, 1980ko hamarkada hasieran agertu baitziren.