Jean-Michel Basquiat: Bada garaia
Sagarrak eta limoiak (Apples and Lemons), 1985
Titulurik gabea: Leonardorengandik (Untitled: From Leonardo), 1983
Iruzkinak
Irabazi milioi bat dolar (Win $ 1,000,000)
- Izenburua:
- Irabazi milioi bat dolar (Win $ 1,000,000)
- Erakusketa:
- Jean-Michel Basquiat: Bada garaia
- Gaiak:
- Artea eta umorea | Esperimentazio artistikoa | Lankidetza artistikoa | New York | Andy Warhol
- Mugimendu artistikoak:
- Kaleko Artea
- Artelan motak:
- Grafitia | Pintura
- Aipatutako artistak:
- Basquiat, Jean-Michel | Warhol, Andy
Pintura hau, Irabazi milioi bat dolar, Basquiat-en eta Andy Warhol-en arteko kolaborazio bat da. Iragarkietako moduko letrak (‘rush’, presa edo goraldia; ‘zenith’, zenit; eta ‘win $1,000,000’, irabazi milioi bat dolar) Warholek bere aurreragoko lanetan Campbell Soup etiketaz egindako erabileraren aztarna dira eta, aldiz, aurpegi beltzak eta eskuineko zerrak formako zuhaitza Basquiaten estilo tipikoa irudikatzen dute.
Bazen bi artistak ondo ezagutzen zituen beste artista bat, 1980ko New Yorken ospea hartutakoa: Keith Haring. Basquiatek bezala, artelanetan grafitia eta kaleko artea hartu zituen erreferentzia. Berak azaltzen zuen nola Warholek eta Basquiatek lan egiten zuten elkarrekin Warholen estudioan, The Factoryn.
Keith Haring:
“Jean-Michelekin pintatzea ez zen erraza. Ahaztu behar dituzu jabetzari buruzko aldez aurreko ideiak, eta prest egon egindakoa, edozer dela ere, segundo batzuetan gainetik guztiz pintatua izateko. Gehiegikeria bat zen, beharrezkoa zen erabateko konfiantza eta errespetua. Andyk maite zuen Jeanek irudi bat erabat ezabatu eta beste bat hobetzeko zeukan kemena. Benetako gertakaria zen […] Niretzat, kolaborazio horretatik ateratako pinturak beren adiskidetasun sakon eta nabarmenaren lekuko peto-petoak dira. Pintura hauen kalitateak haien harremanaren kalitatea islatzen du. Artelan guztiek isurtzen duten umoreak agerian uzten du nolako barreak egiten zituzten horretan ari ziren bitartean. Benetan, William S. Burroughs-ek Hirugarren Adimena deitutakoa asmatu zuten (Burroghs ereduzko idazletzat zuen Basquiatek): bi buru izugarri elkarrekin bat egin hirugarren adimen apartekoa eta paregabea sortzeko”.