Thomas Struth
Tokioko Museo Nazionala, Tokio 1999
Publikoa 07, Florentzia 2004
Iruzkinak
Alte Pinakothek, Autorretratua, Munich 2000
- Izenburua:
- Alte Pinakothek, Autorretratua, Munich 2000
- Erakusketa:
- Thomas Struth
- Gaiak:
- Artea eta denbora | Artea eta historia | Artea. Teoria | Sorkuntza artistikoa | Erakusketak | Erretratua eta autorretratua | Alte Pinakothek | Prado Museoa | Gogoeta | Alemania | Alberto Durero
- Artelan motak:
- Argazkia
- Aipatutako artistak:
- Struth, Thomas
Hau da, Struth-en ekoizpen osoan, artista bera agertzen den argazki bakarra. Zutik dago, Alemaniako Errenazimentuko Alberto Durero margolariak 1500. urtean egindako autorretratuaren aurrean. Municheko Alte Pinakothek-en dago lan hori.
Museoetako beste argazkietan ez bezala, honako honetan artelana da argazkiaren puntu fokala, eta ez museoko bisitarien eta margolanen arteko interakzioa. Struth konposizioaren periferian dago, apur bat desenfokatua, ikusle anonimo bat balitz bezala. Bizkarrez dago, eta ezkerreko sorbalda eta masailezurraren beheko aldea baino ez dira irudian ageri. Dureroren lana, aldiz, oso garbi dago enfokatua, eta begirada itzultzen digu, Struthen familia-erretratuetako modelo bat balitz bezala.
Argazki honen bitartez, artista baten eta iraganeko lanen artean dagoen harremanaren ideian sakondu zuen Struthek. Era berean, gogoeta egin zuen gaur egungo sorkuntza-lanak testuinguruan kokatzeko iragana erabiltzeko moduari buruz. Durerorekin elkarrizketa bat edukitzea proposatu zion bere buruari, mendeetan zehar hitz egiten duten bi artista alemanen antzera. Honela azaldu zuen Struthek: «Ezin esan liteke XVI. mendeko Alemania gaur egungo Alemaniaren berdina denik, baina oinarri kultural beretik gatozela sentitu nuen, izpiritu topaketa moduko bat izan zen».
2007an, Prado Museoan izandako erakusketa batean, Struthek aukera izan zuen iraganaren eta orainaren arteko harreman berezi hori sakonago aztertzeko. Baimena eman zitzaion bere argazkiak museoko bilduma iraunkorreko lan batzuen ondoan zintzilikatzeko, eta Alte Pinakothek, Autorretratua argazkia Dureroren maisulan baten alboan zintzilikatzea hautatu zuen.