Thomas Struth
Ekiloreak 1. zkia, Winterthur 1991
Eskala errealeko maketa 2, JSC, Houston 2017
Iruzkinak
Zuhaitzak Rutschwiletik gertu, 25. zkia. 1993
- Izenburua:
- Zuhaitzak Rutschwiletik gertu, 25. zkia. 1993
- Erakusketa:
- Thomas Struth
- Gaiak:
- Artea eta paisaia | Sorkuntza artistikoa | Sinbologia | Tamaina | Ingurunea eta natura | Rutschwil | Lindberg Ospitalea
- Artelan motak:
- Argazkia
- Aipatutako artistak:
- Struth, Thomas
Struth-ek zuhaitz batzuen argazki hau egin zuen Suitzako ipar-ekialdean, Winterthur hiritik hurbil, dagoen Rutschwil izeneko herrixkan. Landa-eremuko paisaien, landareen eta loreen argazkiak egin zituen artistak Thur ibaiaren bailaran, baita mahastien eta inguruko nekazaritzarako lurren argazkiak ere, Zurichetik hurbil zegoen Lindberg Ospitalean instalazio iraunkor bat egiteko. Argazki haietako landare eta lore asko eta asko ospitale inguruan aurkitu zitezkeen.
Ospitaleko hogeita hamazazpi geletan, formatu handiko paisaia bat zintzilikatu zuen Struthek, gaixoaren ohearen parean, eta landare eta loreen bi argazki jarri zituen oheburuaren gainean. Era horretara, artistak ingurune naturaleko osagaiak eraman nahi zizkien denbora luzean ospitalean egon behar zuten gaixoei, eraikitako ingurune artifizial hartara. Paisaia haietako bidezidor eta bideetatik barrena mentalki ibiltzen irudikatzen zituen gaixoak Struthek.
Lan horietako asko artistaren erakusketa ibiltarietan parte hartzeko atera dira ospitaletik. 2001. urtean, Struthek Dandelion Room (Txikoria-belarraren gela) argitaratu zuen, eta bertan biltzen zuen Winterthurreko lan guztia; zehaztasunez azaltzen zuen, halaber, zein izan zen ospitaleko gelak argazkiekin apaintzeko prozesua.