Thomas Struth
Paradisua 24, Sao Francisco Xavier, Brasil 2001
Faez familia, Rehovot 2009
Iruzkinak
Paradisua 26, Palpa, Peru, 2003
- Izenburua:
- Paradisua 26, Palpa, Peru, 2003
- Erakusketa:
- Thomas Struth
- Gaiak:
- Sorkuntza artistikoa | Gogoeta | Ingurunea eta natura | Peru | Introspekzioa
- Artelan motak:
- Argazkia
- Aipatutako artistak:
- Struth, Thomas
2003an, Peruko Palpa ibaiaren ibarreko eskualdera joan zen Struth. Inguru hori ezaguna da bertako mendikateengatik, aztarna arkeologikoengatik eta hurbil daudelako Nazcako Lerro ospetsuak. Nazcako Lerroak ehunka irudi geometriko dira, bertako biztanleek orain dela 2.000 urte baino gehiago ordoki lehorrean zizelkatuak. Alabaina, Struthek nahiago izan zuen Hego Amerikako lore oparoko bugainbile izeneko zuhaixkei argazkiak atera. Irudi honetan, landareak hartzen du enkoadraketa osoa, arrosa kolore biziko loreekin, eta ez du inolako testuingururik eskaintzen, lekuan edo denboran kokatu ahal izateko.
Paradisuko irudi berriak sailean, Struthek saihestu egiten du, nahita, lorategi botanikoen itxura duten edo fantasia eskapistak gogora ekartzen dituzten irudiak, eta argazki ireki eta askotarikoen aldeko apustua egiten du. Motiboarekin betetzen du argazkiaren gainazal osoa, eta, horrenbestez, meditaziorako gune moduko bat erakusten du. Lasaitasun hori barne elkarrizketarako eta niarekiko komunikaziorako sarbide gisa onartzera bultzatzen du ikuslea.
Honela dio Struthek: «Saiatzen naiz etengabe espazioen artean egoten eta, taichian egiten den bezala, bizitzaren arnasketa sentitzen, arnas hartzearen eta botatzearen erritmoa sentitzen. Ikusgarriak izan litezkeen hogeita hamar irudi inguru bururatzen zaizkit egunero, baina gauza ez da hotsandiko irudia bilatzea. Nire helburua, azken batean, bizitzaren eta bizi dudan garaiaren kontzientearen eta inkontzientearen jarduna bateratzea da, eta, hala, benetako irudiak sortzea».