Thomas Struth
Eskala errealeko maketa 2, JSC, Houston 2017
Tokamak Asdex Upgrade-ren kanpoaldea, Max Planck IPP, Garching 2009
Iruzkinak
Plataforma erdi-urperagarria, DSME Ontziolak, Geoje uhartea 2007
- Izenburua:
- Plataforma erdi-urperagarria, DSME Ontziolak, Geoje uhartea 2007
- Erakusketa:
- Thomas Struth
- Gaiak:
- Artea eta industria | Sorkuntza artistikoa | Ekonomia | Gogoeta | Hego Korea | Zientzia eta Teknologia
- Artelan motak:
- Argazkia
- Aipatutako artistak:
- Struth, Thomas
2007an joan zen lehenengo aldiz Struth Hego Koreara. Gerora beste bitan joan da. Bertako bi hiri handienetan aritu zen lanean, Seulen eta Busanen, baita hainbat gune erlijioso eta kultural ezberdinetan, paisaia ikonikodun lekuetan eta ontzioletan ere. Goeje uhartean eraikitzen ari ziren zulaketa-plataforma erdi-urperagarri erraldoi honen argazkia DSME ontziolan atera zuen Struthek. Ontziola hori, hain zuzen ere, munduko handienetako bat da. Petrolio-plataforma erraldoia tenplu edo zentro erlijioso bat balitz bezala erakusten du, eta eraikuntza erraldoiarekin betetzen du enkoadraketa.
Ur sakonak zulatzeko plataformak itsas zabaleko petrolio-putzuak zulatzeko erabiltzen dira. West Aquarius izeneko plataforma erraldoi hau 3.000 metroko sakoneran zulatzeko gai da, eta hainbat petrolio-konpainiak erabili dute Indonesian eta Kanadan zulaketak egiteko.
Era honetako egitura industrialei argazkia ateratzean, normalean ikusten ez dugun lorpen teknologikoen mundu baten irudiak eskaintzen dizkigu Struthek, eta zientziaren, teknologiaren eta botere ekonomikoaren arteko korrelazioetan pentsatzeko eskatzen digu.