Thomas Struth
Plataforma erdi-urperagarria, DSME Ontziolak, Geoje uhartea 2007
GRACE-Follow-On azpiko bista, IABG, Ottobrunn 2017
Iruzkinak
Tokamak Asdex Upgrade-ren kanpoaldea, Max Planck IPP, Garching 2009
- Izenburua:
- Tokamak Asdex Upgrade-ren kanpoaldea, Max Planck IPP, Garching 2009
- Erakusketa:
- Thomas Struth
- Gaiak:
- Artea eta gizartea | Artea eta zientzia | Sorkuntza artistikoa | Forma | Kolorea | Gogoeta | Alemania | Zientzia eta Teknologia
- Artelan motak:
- Argazkia
- Aipatutako artistak:
- Struth, Thomas
Natura & Politika lanerako, jendeak normalean ikusten ez dituen ingurune zientifiko eta teknologikoen barrualdeei atera zizkien argazkiak Struth-ek. Argazki hau Asdex Upgrade delakoan egin zuen, hau da, Munichetik hurbil, Alemanian dagoen Plasmaren Fisikaren ikerketarako Max Planck Institutuko tokamak esperimentalean. Tokamak delakoa fusio kontrolatuko erreaktore bat da, karbonoaren ordezko energia iturri alternatiboa sortzeko diseinatua. Fusio nuklearrari buruzko ikerketaren helburua eguzkian eta izarretan sortzen diren gertaera fisikoak erabiltzea da, partikulen fusiotik abiatuta, Lurrean energia sortu ahal izateko.
Struth liluratua dago asmakizunen eta gailu teknologikoen barruko mekanismoekin; artistak berak «garun modernoaren paisaiak» esaten die horiei. Tokamak-aren argazkia konplexua da ikuspegi grafikotik, eta xehetasunez beterik dago, esate baterako, eroaleen mailuak, hodiak, hoditeriak, zirkuituak eta hariak erakusten baititu. Ikusle arrunt batek ezin ditu erraztasunez identifikatu irudiko egiturak, baina asko erakartzen dute kolore bizi eta forma multzoek, ikuspegi estetikotik iradokitzailea den konposizio abstraktua sortuz.
Esperientzia bisuala ikaragarria izan liteke, eta baita nekagarria ere. Eta, horixe da, hain zuzen ere, Struthen asmoa. «Gure buruak gauzatu duenari ateak zabaldu eta jende gehienak ikusi ezin dituen lekuetan mundu garaikideak sortzen duena arakatu» nahi duela adierazi izan du. Aurrerabide teknologikoan ikusezinak izan ohi diren mekanismoak agerian jartzean, teknologia aurreratuek eragiten dituzten kontrol- eta botere-egitura ezkutuei egiten die erreferentzia, eta horiek gizadiarengan duten gero eta eragin handiagoa zalantzan jartzera bultzatzen gaitu.