ArkiEskultura
XVIII. mendeko Neoklasizismotik XX. mendera: Boullée‑tik Malevich-era
[Eskalaren gaineko garaipena]
Iruzkinak
[Gerhard Merz: Venezia]
- Izenburua:
- [Gerhard Merz: Venezia]
- Erakusketa:
- ArkiEskultura
- Gaiak:
- Artea eta espazioa | Eragin artistikoa | Sorkuntza artistikoa | Argia | Sinbologia
- Mugimendu artistikoak:
- Arte Garaikidea
- Artelan motak:
- Instalazioa
- Aipatutako artistak:
- Boullée, Étienne-Louis | Merz, Gerhard
Zatoz eta lilura zaitez! Milaka watteko indarra duen argiak inguratzen zaitu, Ilustrazioko argitasun metaforikoak bezala, eta, une batez, itsu sentitzen zara. Argiaren eta iluntasunaren, egunaren eta gauaren arteko joko konplexu hau Boullée-ren esferaren barruko gau izartsu artifizialaren baliokide da. Aurreko aretoan esferaren sekzio ikuspegia ikusi duzu. Esferaren egituran irekidurak daude, egun argiari sartzen uzten diotenak, eta horiek osatzen dituzte izarrak. Hartara, ezin gaurik izan egunik gabe.
Une honetan esperimentatzen ari zaren argi itsugarria Gerhard Merz alemaniar artistaren lanekoa da. Etienne Louis Boulléeren omenez sortu zuen, ArkiEskultura erakusketarako bereziki. Argi sarkorreko instalazioaren neoklasizismora hurbiltzen da, Boullée bezalaxe, eta hark egindako hutsaren erakustaldiari erantzuten dio. Bi posizioek argi eta garbi kontra egiten diote Frank Gehry-ren museo arkitektura jostariari.
Espazio argiztatuaren aurrealdean, Gerhard Merz artistaren Venezia izeneko objektu kubikoa ikus dezakezu. Berez ere eskultura den arren, Merzek sortutako espazio negatiboaren eredu gisa balia daiteke, orobat. Espazio negatiboa 2002ko Veneziako Bienalean Alemaniako pabilioian jartzeko. Espazio hori ehunka argi fluoreszentez bete zuen.