ArkiEskultura
[Erich Mendelsohn: Einstein dorrea; Oskar Schlemmer: Atseden lekua]
[Filosofoa arkitekto gisa: pentsamenduaren sistemak arkitektura gisa]
Iruzkinak
[Bruno Taut: Kristalezko etxea; Rudolf Belling: Tritono]
- Izenburua:
- [Bruno Taut: Kristalezko etxea; Rudolf Belling: Tritono]
- Erakusketa:
- ArkiEskultura
- Gaiak:
- Arkitektura | Eragin artistikoa | Sorkuntza artistikoa | Argia | Forma | Alemania | Teknika eta materialak
- Mugimendu artistikoak:
- Espresionismoa
- Artelan motak:
- Arkitektura | Eskultura
- Aipatutako artistak:
- Belling, Rudolf | Taut, Bruno
1914an Kolonian egin zen Lanaren Alemaniako Federazioaren (Werkbund) erakusketan Luxfer Prismen Kristalezko etxea ireki zen. Bruno Taut arkitektoak diseinatu zuen. Beirazko eraikina zen, eta gauez piztu egiten zen barrutik; hartara, urrunetik ikus zitekeen. Garai hartan, argiaren arkitektura mota hark ez zuen aurrekaririk. Hamalau aldeko danbor itxurako eraikinetik altzairu indartuzko nerbioen eusteko egitura altxatzen zen, eta «loreak bezain leuna» zen kupula zuen.
Bost urte geroago, 1919an, Rudolf Belling arkitektoak Tritono izenburuko eredua garatu zuen. Eredu hura hemen erakusten denaren brontzezko bertsioa zen. Oinarri beretik, abstrakzio handiko hiru figura altxatzen dira. Horietako bi batera altxatzen dira, eta kupula baten antzeko tontorra osatzen dute. Tamaina osoko piezak sei metroko altuera zuen. Belling eskultoreak eta Taut arkitektoak alderdi organikoa gainjartzen zuten alderdi kristalinoaren gain beren arkieskulturetan: naturako bi mutur, bata bizia, eta besteak ez‑organikoak.